Antikor Taldyqorǵan politsiiasynyń burynǵy basshysy Marat Kúshtibaevtyń áieline qatysty isti tergep jatyr, - dep habarlaidy Dalanews.kz Tengrinews.kz-ke siltep
Al Marat Kúshtibaevtyń ózi buǵan deiin sottalyp ketti. Endi onyń áieli jábirlenýshige para berdi degen kúdikke ilinip otyr.
Jetisý oblysy prokýratýrasynyń málimetinshe, QR QK 422-baby, 1-bóligi, iaǵni jábirlenýshige para berý deregi boiynsha qylmystyq isti jergilikti Sybailas jemqorlyqqa qarsy qyzmet departamenti tergep jatyr.
"Qazir qylmystyq is boiynsha sotaldy tergeý júrgizilip jatyr", - dep habarlaǵan prokýratýra basylym saýalyna.
Aita keteiik, jýyrda Taldyqorǵan politsiiasynyń burynǵy basshysy Marat Kúshtibaevtyń artynan taǵy úsh adam temir torǵa toǵytyldy.
Olar - eks-politseiden «jábir kórdim» degen áiel men onyń tanysy jáne Taldyqorǵan sotynyń hatshysy.
Kúshtibaevqa qatysty is
2023 jylǵy qarashada Taldyqorǵan politsiiasynyń burynǵy bastyǵy Marat Kúshtibaev 27 jastaǵy áieldi zorlady degen kúdikpen ustaldy. Keiinirek jábirlenýshiniń advokaty oqiǵanyń egjei-tegjeiin aitty. Onyń sózinshe, 2023 jylǵy 12 qarashada ishki ister basqarmasyna qoǵamdyq tártipti buzdy degen aiyppen Taldyqorǵan turǵyny jetkizilip, keiin ol bastyqtyń qyzmettik kabinetinde zorlyq kórgen.
Keiin sot úkimi boiynsha Kúshtibaev kináli dep tanylyp, Qylmystyq kodekstiń 120-baby 2-bóliginiń 5-tarmaǵy boiynsha 11 jylǵa bas bostandyǵynan aiyryldy.
Sondai-aq, ol marapattarynan jáne "politsiia polkovnigi" arnaiy ataǵynan aiyryldy.
