Qasym-Jomart Toqaev Ulttyq ǵylym men tehnologiialar keńesiniń otyrysynda Qazaqstanǵa jasandy intellektini engizýdiń mańyzdylyǵyn túsindirdi, dep habarlaidy Dalanews.kz.
Memleket basshysy damyǵan álem jańa tehnologiialyq júiege negizdelgen ekonomikany túbegeili qaita qurý dáýirine qadam basqanyn atap ótti. Kóptegen el dál osyndai tarihi betburys kezeńderinde bar kúsh-jigerin jumyldyryp, damýda serpilis jasai alǵan.
“XV–XVI ǵasyrlarda Qytai álemdegi eń iri ekonomikaǵa ie boldy. Biraq keiin Angliiada ónerkásiptik revoliýtsiia ótip, ishten janatyn qozǵaltqyshtar paida boldy. Bul revoliýtsiia Qytaidy ainalyp ótti. Sonyń saldarynan ol opiým soǵystary kezinde eki márte syrtqy agressiianyń qurbanyna ainaldy. Al zamanaýi dáýirdegi qytai basshylary tarihi sabaqtardy durys túiip, ǵylymǵa, joǵary tehnologiialarǵa, jasandy intellektke basymdyq berdi. Nátijesi aiqyn – Qytai qazir álem moiyndaǵan jetekshi derjavaǵa ainaldy”, – dep mysal keltirdi Qasym-Jomart Toqaev.
Osyǵan bailanysty Prezidenttiń pikirinshe, aýqymdy tsifrlandyrý men jasandy intellektini keńinen engizý Qazaqstannyń ulttyq strategiiasy bolýy tiis. Onyń júzege asýy eldiń bolashaǵyna jáne Qazaqstannyń ozyq memleketter qataryndaǵy ornyna tikelei áser etedi. Memleket basshysy jappai tsifrlandyrý azamattardyń ómir súrý sapasyn aitarlyqtai jaqsartyp, elimizdiń turaqty ǵylymi-tehnologiialyq progresine berik negiz qalyptastyratynyna senimdi.
