قاسىم-جومارت توقاەۆ ۇلتتىق عىلىم مەن تەحنولوگييالار كەڭەسٸنٸڭ وتىرىسىندا قازاقستانعا جاساندى ينتەللەكتٸنٸ ەنگٸزۋدٸڭ ماڭىزدىلىعىن تٷسٸندٸردٸ, دەپ حابارلايدى Dalanews.kz.
مەملەكەت باسشىسى دامىعان ەلەم جاڭا تەحنولوگييالىق جٷيەگە نەگٸزدەلگەن ەكونوميكانى تٷبەگەيلٸ قايتا قۇرۋ دەۋٸرٸنە قادام باسقانىن اتاپ ٶتتٸ. كٶپتەگەن ەل دەل وسىنداي تاريحي بەتبۇرىس كەزەڭدەرٸندە بار كٷش-جٸگەرٸن جۇمىلدىرىپ, دامۋدا سەرپٸلٸس جاساي العان.
“XV–XVI عاسىرلاردا قىتاي ەلەمدەگٸ ەڭ ٸرٸ ەكونوميكاعا يە بولدى. بٸراق كەيٸن انگلييادا ٶنەركەسٸپتٸك رەۆوليۋتسييا ٶتٸپ, ٸشتەن جاناتىن قوزعالتقىشتار پايدا بولدى. بۇل رەۆوليۋتسييا قىتايدى اينالىپ ٶتتٸ. سونىڭ سالدارىنان ول وپيۋم سوعىستارى كەزٸندە ەكٸ مەرتە سىرتقى اگرەسسييانىڭ قۇربانىنا اينالدى. ال زاماناۋي دەۋٸردەگٸ قىتاي باسشىلارى تاريحي ساباقتاردى دۇرىس تٷيٸپ, عىلىمعا, جوعارى تەحنولوگييالارعا, جاساندى ينتەللەكتكە باسىمدىق بەردٸ. نەتيجەسٸ ايقىن – قىتاي قازٸر ەلەم مويىنداعان جەتەكشٸ دەرجاۆاعا اينالدى”, – دەپ مىسال كەلتٸردٸ قاسىم-جومارت توقاەۆ.
وسىعان بايلانىستى پرەزيدەنتتٸڭ پٸكٸرٸنشە, اۋقىمدى تسيفرلاندىرۋ مەن جاساندى ينتەللەكتٸنٸ كەڭٸنەن ەنگٸزۋ قازاقستاننىڭ ۇلتتىق ستراتەگيياسى بولۋى تيٸس. ونىڭ جٷزەگە اسۋى ەلدٸڭ بولاشاعىنا جەنە قازاقستاننىڭ وزىق مەملەكەتتەر قاتارىنداعى ورنىنا تٸكەلەي ەسەر ەتەدٸ. مەملەكەت باسشىسى جاپپاي تسيفرلاندىرۋ ازاماتتاردىڭ ٶمٸر سٷرۋ ساپاسىن ايتارلىقتاي جاقسارتىپ, ەلٸمٸزدٸڭ تۇراقتى عىلىمي-تەحنولوگييالىق پروگرەسٸنە بەرٸك نەگٸز قالىپتاستىراتىنىنا سەنٸمدٸ.
