Atyraý munai óńdeý zaýytynyń (AMÓZ) baspasóz qyzmeti kásiporynnyń bas direktory Ǵalymjan Jýsanbaevqa qatysty qylmystyq is qozǵaldy degen aqparatty joqqa shyǵardy, dep habarlaidy Dalanews.kz.
“Ulysmedia Telegram-arnasynda jáne basqa da derekkózderde Atyraý munai óńdeý zaýytynyń basshysy Ǵalymjan Jýsanbaevqa qatysty qylmystyq tergeý bastaldy degen aqparatqa bailanysty resmi túrde málimdeme jasaimyz. Bul aqparattar shyndyqqa janaspaidy jáne jalǵan”, – delingen habarlamada.
Qazirgi ýaqytta “AMÓZ” JShS jáne onyń basshylyǵyna quqyq qorǵaý organdarynan eshqandai resmi habarlama nemese suraý kelip túspegeni aitylǵan.
“Qylmystyq tergeý júrip jatyr degen aqparat – zaýyt pen onyń qyzmetkerleriniń bedelin túsirýge baǵyttalǵan alyp-qashpa áńgime”, – delingen habarlamada.
Eske salsaq, buǵan deiin áleýmettik jelide AMÓZ-degi jaǵdaiǵa qatysty shaǵymdar jariialanǵan bolatyn. Munda zaýyt basshysy qyzmetin atqarǵan Ǵalymjan Jýsanbaev ártúrli zańbuzýshylyq jasady dep aiyptalǵan. “QazMunaiGaz” bul máseleni zertteý úshin zaýytqa arnaiy komissiia jiberýge ýáde bergen. Nátijesinde, Jýsanbaev pen zaýyttyń bas injeneri Ádilet Shoshanbasov óz laýazymdarynan bosatylǵan.
27 aqpanda Qarjylyq monitoring agenttigi AMÓZ basshylyǵyna qatysty qylmystyq is qozǵalǵanyn habarlady.
Keiinirek Jýsanbaev kásiporynda sabotaj bolǵanyn aityp, ózi týraly aryzdaǵy málimetterdi joqqa shyǵardy.
Sóitip 2024 jyldyń maýsymynda Atyraý munai óńdeý zaýytynyń eks-direktory sot sheshimimen jumysyna qaita oraldy.
Astana qalasynyń azamattyq ister jónindegi aýdanaralyq sotynyń sheshimimen Atyraý munai óńdeý zaýytynyń burynǵy bas direktory Ǵalymjan Jýsanbaevtyń quqyǵy qorǵaldy.
"Astana qalasynyń azamattyq ister jónindegi aýdanaralyq soty J.-nyń qatysýshylardyń kezekten tys jalpy jinalysynyń hattamasyn, eńbek shartyn buzý týraly buiryqtyń jaramsyz dep taný, bas direktor laýazymyn qalpyna keltirý, májbúrli jumystan shyǵý ýaqyty úshin jalaqyny óndirip alý jáne moraldyq ziiandy óteý týraly «AMÓZ» JShS-ne qatysty talabyn qarady. Talap qoiý eńbek shartynyń synaq merziminde jáne qyzmetkerdiń ýaqytsha eńbekke jaramsyzdyq kezinde buzylýymen negizdeldi. Sotpen eńbek shartynyń talaptary boiynsha talapkerge 6 ai synaq merzimi belgilengeni, alaida shart 1 ai ótkennen keiin buzylǵany anyqtaldy. Osy quqyqtyq qatynastarǵa eńbek zańnamasy qoldanylady", -dep habarlady sottan.
Eńbek kodeksiniń 36-babyna sáikes, eńbek shartynda jumyskerdiń tapsyrylatyn jumysqa biliktiliginiń sáikestigin tekserý maqsatynda synaq merzimi týraly talap belgilenýi múmkin.
Osy kodekstiń 37-babyna sáikes, jumyskerdiń synaq merzimi kezeńindegi jumysy teris nátije bergen kezde jumys berýshi oǵan eńbek shartyn buzýǵa negiz bolǵan sebepter kórsetilgen habarlama berip, onymen eńbek shartyn buzýǵa quqyly.
"Bul jaǵdaida qyzmetker synaq merziminde jumystyń teris nátijesi bolmasada eshqandai sebepsiz jumystan bosatyldy. Sot sheshimimen talap qanaǵattandyryldy. Sot jaýapkermen qyzmetkerdiń synaq merzimindegi biliktiligine sáikes emestigi dáleldenbegendikten talapkerdiń quqyqtary buzylǵan dep tanydy. Eńbek sharty jumystan shyǵarý rásimin buza otyryp kúshin joiǵan. Eńbek shartyn buzý týraly buiryqty jaramsyz dep taný, J.-nyń bas direktor laýazymyn qalpyna keltirý týraly sheshim shyǵaryldy. Májbúrli jumysqa kelmegeni úshin jalaqysy jáne 100 000 teńge mólsherinde moraldyq ziiandy óteý óndirildi", -dep málim etti sottan.
