Jusan "Qazaqtelekomdaǵy" óz úlesin 40 mlrd teńgege satty, onda da bólip tóleý sharttarymen, dep habarlaidy Dalanews.kz.
Negizinen, 2024 jyly jeltoqsan aiynda Jusan "Qazaqtelekomdaǵy" 9% úlesin nemese 983 myńnan astam jai aktsiialaryn shamamen 42,8 mlrd teńgege satqan. Iaǵni, bir aktsiiany 43 498 teńgeden baǵalaǵan. Biraq ol kezde satyp alýshy tarap jáne mámile somasy týraly málimet berilmegen. Tek onyń bankpen bailanysty emes tulǵa ekeni ǵana aitylǵan. Sóitip 2025 jyly qańtardyń aiaǵynda Jusan Bank-tiń "Qazaqtelekom" AQ aktsionerler quramynan shyqqany belgili boldy.
"Bank kompaniiadaǵy aktsiialaryn 2025 jyldyń 24 naýryzyna deiin bólip tóleý tásilimen satty. Satyp alýshy - Telecom Systems Ltd. Bul kompaniia Qazaq Stroy qurylys kompaniiasynyń negizin qalaýshy jáne aktsioneri Nurlan Artyqbaevqa tiesili. Ol Forbes jýrnaly jariialaǵan "Qazaqstandaǵy eń bai 75 kásipker" tiziminde 44-oryndy tur", dep jazady "Rýchnaia ekonomika" Telegram arnasy.
Bank óz esepteýleri boiynsha, mámile jasalǵan kezdegi aktsiialardyń balanstyq quny men alynǵan ótemniń ádil quny arasyndaǵy aiyrma 1,5 mlrd teńgeni quraidy.
Jusan 2023 jyldyń qyrkúieginde bank Ǵalymjan Esenovtiń qolyna ótkennen keiin "Qazaqtelekomnyń" 9% jai aktsiialaryn satyp alǵan bolatyn. Sol kezde mámile somasy 32 mlrd teńgeden sál asady dep jariialanǵan.
"Bank biznestegi joǵary tsifrlyq quramdas qarjy institýtyn qurýǵa baǵyttalǵan strategiiasy aiasynda aktsiialar satyp aldy" dep habarlandy sol kezde.
Buǵan deiin Esenovke tiesili bank "Qazaqtelekomnyń" enshilesi – Kcell-men OGO jobasy boiynsha yntymaqtastyqty doǵarǵan bolatyn. Al oǵan deiin Jusan mobile sandyq uialy bailanys operatorynyń jobasy boiynsha Tele2/Altel-men de jumysyn toqtatqan.
Buǵan deiin saitymyzda "Transtelekom": Nuráli Álievtiń ornyna Jusan Mobile-diń top menedjerleri keldi" degen material jariialanǵan.
