Jusan Bank 100 mlrd teńgege obligatsiialar shyǵaratyn boldy. Bul qarajat bankke aqsha ótimdiligin arttyrý úshin qajet ekeni aitylady, dep habarlaidy Dalanews.kz.
"Boryshtyq qaǵazdar banktiń altynshy obligatsiialyq baǵdarlamasy aiasynda shyǵarylady. Bul bir danasynyń nominaldy quny 1 myń teńge bolatyn 100 mln dana kýpondyq obligatsiialar bolady. Baǵaly qaǵazdar "jekelei ornalastyrýǵa jatady", delingen banktiń habarlamasynda.
Banktiń emissiialyq baǵaly qaǵazdar shyǵarylymynyń ólshemderi týraly qujatyna sáikes, Jusan Bank obligatsiialardyń 10 jyldyq ainalym merzimi ishinde jylyna eki ret baǵaly qaǵazdyń nominaldy qunyna sai jyldyq syiaqy mólsherlemesi 8% deńgeiinde syiaqy tólemek.
"Obligatsiialardy merziminen buryn óteý múmkindigi qarastyrylmaǵan. Obligatsiialardy ornalastyrýdan alynǵan aqshalai qarajat emitentti qorlandyrý bazasyn ulǵaitýǵa baǵyttalatyn bolady: tartylǵan qarajat kózderin ártaraptandyrý, emitenttiń orta merzimdi jáne uzaq merzimdi ótimdiligin qoldaý, emitenttiń ainalym qarajatyn kapital naryǵy esebinen tolyqtyrý", delingen qujatta.
Aita ketsek, 2023 jyldyń shilde aiynyń ortasynan bastap Jusan Bank kásipker Ǵalymjan Esenovtiń enshisine tiesili (Forbes Kazakhstan málimetinshe, bailyǵy 590 mln dollardy quraityn ol Qazaqstannyń eń bai 75 kásipkeri (2024) arasynda 15-orynda tur). Qarjy institýty "Jusan toby boiynsha daýlardy beibit jolmen retteý jáne onyń aktivterin qazaqstandyq iýrisdiktsiiaǵa qaitarý" nátijesinde onyń qolyna ótken. Esenov bankti "First Heartland Securities" AQ arqyly basqarady (kompaniianyń EDB- degi úlesi - 79,63%).
Jusan Bank, Ulttyq banktiń 2024 jylǵy 1 qazandaǵy derekteri boiynsha, 3,3 trln teńge kórsetkishimen Qazaqstan naryǵyndaǵy EDB aktivteri boiynsha altynshy orynda tur. Banktiń menshikti kapitaly 805,4 mlrd teńgeni quraidy.
