“Jurttyń balasy” YouTube arnasynyń avtory, bloger Murat Daniiar politsiia bólimshesine jetkizildi, dep habarlaidy Dalanews.kz.
Bul týraly bloger áleýmettik jelidegi paraqshasynda bólisti.
Onyń málimetinshe, oǵan “referendým qarsańynda ádeii jalǵan aqparat taratty” degen aiyp taǵylǵan.
“Eshteńe etpeidi. Qazir advokatpen birge politsiia basqarmasyna keldim. Bárin sheshemiz. Biraq sizder muny eskerip qoiyńyzdar”, - dep habarlady ol.
Aita keteiik, Murat Daniiar birneshe jyldan beri YouTube jelisindegi Jurttyn Balasy arnasyn belsendi túrde júrgizip keledi. Bloger elde bolyp jatqan qoǵamdyq ári saiasi máselelerge taldaý jasap, jeke kózqarasy men pikirin bólisip otyrady. Onyń 405 myńnan astam jazylýshysy bar.
