“جۇرتتىڭ بالاسى” YouTube ارناسىنىڭ اۆتورى، بلوگەر مۇرات دانيار پوليسيا بولىمشەسىنە جەتكىزىلدى، دەپ حابارلايدى Dalanews.kz.
بۇل تۋرالى بلوگەر الەۋمەتتىك جەلىدەگى پاراقشاسىندا ءبولىستى.
ونىڭ مالىمەتىنشە، وعان “رەفەرەندۋم قارساڭىندا ادەيى جالعان اقپارات تاراتتى” دەگەن ايىپ تاعىلعان.
“ەشتەڭە ەتپەيدى. ءقازىر ادۆوكاتپەن بىرگە پوليسيا باسقارماسىنا كەلدىم. ءبارىن شەشەمىز. ءبىراق سىزدەر مۇنى ەسكەرىپ قويىڭىزدار”، - دەپ حابارلادى ول.
ايتا كەتەيىك، مۇرات دانيار بىرنەشە جىلدان بەرى YouTube جەلىسىندەگى Jurttyn Balasy ارناسىن بەلسەندى تۇردە جۇرگىزىپ كەلەدى. بلوگەر ەلدە بولىپ جاتقان قوعامدىق ءارى ساياسي ماسەلەلەرگە تالداۋ جاساپ، جەكە كوزقاراسى مەن پىكىرىن ءبولىسىپ وتىرادى. ونىڭ 405 مىڭنان استام جازىلۋشىسى بار.
