Bir saǵatqa konferents-zal shyǵarmashylyq alańǵa ainaldy, keskindemelerine úńilip árkim óz qiialdaryn, jazdyq demalystaryn sýretteýge kiristi. Armanda júrgen elge, aralǵa, qalaǵa barǵanyn elestetip sýretke ainaldyrýdy óner sabaǵynyń muǵalimderiniń nusqaýlarymen ońai da qyzyqty boldy. Sońynda ár qonaq óz keskindemesin aǵylshyn tilinde sýrettep, karaokemen án aityldy.
– Búgin alǵan áserimiz keremet boldy. Birinshi ret qolyma qylqalam alyp sýret saldym. Tynyǵyp, kúndelikti tirshilikten dem alyp qalǵandai boldyq. Uiymdastyrýshylarǵa, mektep direktory Gúlmira Baqytbekqyzyna kóp rahmet, – dep bólisti “Qazaq ádebieti” gazetiniń art-redaktory Marat Sábdiken.
– Shara óziniń kreativtigimen, erekshe baǵytymen qyzyqtyrdy. Tek saýsaqtarymyzdy qozǵaltpai, miymyzdy da shynyqtyryp aǵylshyn tilde , ándi de aityp úlgerdik. Muǵalimderge zor alǵys,– dedi “Jibek joly” telearnasynyń redaktor-prodiýseri Gúlnúr Baimenova.
– Eldegi balalarǵa ozyq úlgide bilim berip otyrǵan Almaty qalasyndaǵy himiia-biologiia baǵytyndaǵy NIS ustazdary men basshylyǵyna, jýrnalister qaýymyna, resmi aqparatyn usynyp otyratyn baspasóz kyzmetine búgingi shara úshin alǵysymyz sheksiz. Tórtinshi bilik ókilderin shaqyryp, keremet artterapiia jáne aǵylshyn tilinde dáris uiymdastyryp, jan dúniemizdi rýhani baiyttyńyzdar. Bilimdi urpaq tárbieleý jolyndaǵy eńbekterińiz jemisti bolsyn,– dep aǵynan jaryldy “Evraziia” arnasynyń redaktory Áripjan Ali.
Shara sońynda NIS direktory Gúlmira Baqytbekqyzy jinalǵan qonaqtardy kele jatqan tól merekelerimen qúttyqtady, jumystaryna tabys tiledi jáne jyl boiy seriktestik tanytyp júrgen jýrnalisterge alǵys hat tabystady. Qonaqkáde retinde oqýshylardyń tehnotoriiada jasaqtaǵan NIS belgisi syiǵa tartyldy.
