ءبىر ساعاتقا كونفەرەنس-زال شىعارماشىلىق الاڭعا اينالدى، كەسكىندەمەلەرىنە ءۇڭىلىپ اركىم ءوز قيالدارىن، جازدىق دەمالىستارىن سۋرەتتەۋگە كىرىستى. ارماندا جۇرگەن ەلگە، ارالعا، قالاعا بارعانىن ەلەستەتىپ سۋرەتكە اينالدىرۋدى ونەر ساباعىنىڭ مۇعالىمدەرىنىڭ نۇسقاۋلارىمەن وڭاي دا قىزىقتى بولدى. سوڭىندا ءار قوناق ءوز كەسكىندەمەسىن اعىلشىن تىلىندە سۋرەتتەپ، كاراوكەمەن ءان ايتىلدى.
– بۇگىن العان اسەرىمىز كەرەمەت بولدى. ءبىرىنشى رەت قولىما قىلقالام الىپ سۋرەت سالدىم. تىنىعىپ، كۇندەلىكتى تىرشىلىكتەن دەم الىپ قالعانداي بولدىق. ۇيىمداستىرۋشىلارعا، مەكتەپ ديرەكتورى گۇلميرا باقىتبەكقىزىنا كوپ راحمەت، – دەپ ءبولىستى “قازاق ادەبيەتى” گازەتىنىڭ ارت-رەداكتورى مارات سابدىكەن.
– شارا ءوزىنىڭ كرەاتيۆتىگىمەن، ەرەكشە باعىتىمەن قىزىقتىردى. تەك ساۋساقتارىمىزدى قوزعالتپاي، ميىمىزدى دا شىنىقتىرىپ اعىلشىن تىلدە ، ءاندى دە ايتىپ ۇلگەردىك. مۇعالىمدەرگە زور العىس،– دەدى “جىبەك جولى” تەلەارناسىنىڭ رەداكتور-پروديۋسەرى گۇلنۇر بايمەنوۆا.
– ەلدەگى بالالارعا وزىق ۇلگىدە ءبىلىم بەرىپ وتىرعان الماتى قالاسىنداعى حيميا-بيولوگيا باعىتىنداعى NIS ۇستازدارى مەن باسشىلىعىنا، جۋرناليستەر قاۋىمىنا، رەسمي اقپاراتىن ۇسىنىپ وتىراتىن باسپا ءسوز كىزمەتىنە بۇگىنگى شارا ءۇشىن العىسىمىز شەكسىز. ءتورتىنشى بيلىك وكىلدەرىن شاقىرىپ، كەرەمەت ارتتەراپيا جانە اعىلشىن تىلىندە ءدارىس ۇيىمداستىرىپ، جان دۇنيەمىزدى رۋحاني بايىتتىڭىزدار. ءبىلىمدى ۇرپاق تاربيەلەۋ جولىنداعى ەڭبەكتەرىڭىز جەمىستى بولسىن،– دەپ اعىنان جارىلدى “ەۆرازيا” ارناسىنىڭ رەداكتورى ءارىپجان الي.
شارا سوڭىندا NIS ديرەكتورى گۇلميرا باقىتبەك قىزى جينالعان قوناقتاردى كەلە جاتقان ءتول مەرەكەلەرىمەن ءقۇتتىقتادى، جۇمىستارىنا تابىس تىلەدى جانە جىل بويى سەرىكتەستىك تانىتىپ جۇرگەن جۋرناليستەرگە العىس حات تابىستادى. قوناقكادە رەتىندە وقۋشىلاردىڭ تەحنوتوريادا جاساقتاعان NIS بەلگىسى سىيعا تارتىلدى.
