Jýrnalist Dýman Muhammedkárim sot ashyq ótýin talap etip, ashtyq jariialady. Jýrnalist sotqa advokattar qatyssa da, qatyspasa da úkim belgili ekenin aityp, qorǵaýshylarynan da bas tartqan, - dep habarlaidy Dalanews.kz Azattyq derekterine siltep.
22 aqpanda túske deiin ótken sot otyrysynan soń advokat Ǵalym Nurpeiisov jýrnalister men belsendiniń jaqtastaryna málimdeme jasady.
"Dýman sot ashyq ótken jaǵdaida ǵana ashtyǵyn toqtatatynyn aitty. Sýdianyń ózi sot kezinde "sottalǵan Dýman" degen tirkesti eki ret aityp qalǵan. Dýman sotqa boikot jariialady. Dýmannyń sotqa senimsizdik jariialaý týraly ótinishi qanaǵattandyrylmady", – dedi advokat Ǵalym Nurpeiisov.
Aldyńǵy sot otyrysynda sýdia prokýrordyń sotty jabyq ótkizý týraly ótinishin qanaǵattandyryp, sotty jabyq formatqa aýystyrdy. Buǵan jýrnalist pen ony qorǵaý taraby, jaqtastary qarsy bolǵan.
Radio málimetinshe, 12 aqpanda sot otyrysy kezinde Dýman Muhammedkárim "taǵylǵan aiypty jala" dep atap, "konstitýtsiialyq quqyǵy buzylǵanyn, tergeý amaldarynyń birde-birine qatyspaǵanyn" aitqan.
"Ne Deidi" Youtube-arnasynyń avtory, jýrnalist Dýman Muhammedkárim "ekstremizmdi qarjylandyrdy" jáne "tyiym salynǵan uiymnyń jumysyna aralasty" degen kúdikpen byltyr maýsymda qamaýǵa alynǵan bolatyn. Iske jýrnalistiń shetelde turatyn "Qazaqstannyń demokratiialyq tańdaýy" qozǵalysynyń jetekshisi, oppozitsioner Muhtar Ábliazovtan alǵan suhbaty sebep bolǵan.
Qazaqstan QDT qozǵalysyn "ekstremistik uiym" dep tanyp, qyzmetine tyiym salǵan. Al Eýroparlament QDT-ny "beibit oppozitsiialyq uiym" dep ataidy.
