Belgili jýrnalist Ashat Niiazovqa "Hýtor" bandasy týraly aityp bergen turǵyndy politsiia ustap alyp ketti, - dep habarlaidy Dalanews.kz.
Bul týraly jýrnalistiń ózi telegramynda jazdy.
"Dál qazir politsiia Talǵar týraly shyǵarylymda "hýtorlyqtar" týraly aityp, suhbat bergen turǵyndardyń birin ustap alyp ketti. Ony psihiatriialyq aýrýhanaǵa alyp ketken", - dep jazdy jýrnalist.
Aita keteiik, shyǵarylymda talǵarlyq turǵyn "hýtorlyqtar" jasaǵan bylyqtar týraly aityp bergen.
"Olar meniń zamandastarymnyń bárin óltirdi. "Jabylyp uryp ketti" deitin. Janbolat marqumdy uryp-uryp óltirip ketti. Menen bir jas qana úlken bolatyn. Burynnan kele jatqan qylmystar. Mynanyń bári tek jalǵasy. Aqshasy bar, "kryshalary" bar, ne istegisi kelse sony isteidi", - deidi turǵyn.
Almaty oblysynyń Politsiia departamentiniń málimetinshe, buryn qoǵamǵa qaýipti áreketi úshin qylmystyq jaýapkershilikten bosatylyp, meditsinalyq mekemede májbúrlep emdelý jazasy taǵaiyndalǵan azamat ustalǵan.
Turǵyn qujatynyń merzimi ótip ketkendikten úiine jiberilgen. Alaida turǵyn qashyp ketken kórnedi. Osylaisha "hýtorlyqtar" týraly aityp bergen turǵyn 21 qazanda qaitadan ustalyp, emhanaǵa jatqyzylǵan.
Eske salaiyq, buǵan deiin qazaqstandyq zańger, azamattyq belsendi Álnur Iliashev “Hýtor” bandasy jaily sóz qozǵady.
Aitýynsha, mundai qylmystyq toptar Qazaqstanda ǵana emes, álemniń túkpir-túkpirinde kezdesedi.
“Sońǵy aqparattarǵa súiensek, on birinshi kúdikti qolǵa túsipti. Onyń teginiń alǵashqy árpi Hasan Qasymbaevpen sáikes keledi dep jatyr. Biraq ol rasymen Qasymbaevtar áýletiniń biri me, álde joq pa, belgisiz. Meniń oiymsha, bul azamattar toby nemese osy toptyń ataýy belgili bir aimaq pen burynǵy ataýǵa bailanysty paidalanylǵan. Bul – Almatyda burynnan bar, iaǵni jastardyń beiresmi toptaryn jergilikti erekshelikter boiynsha bóletin dástúrdiń kórinisi.
Meniń oiymsha, osy iste esimderi atalyp jatqan baýyrlar jas kezderinde “Hýtorskie” dep atalyp kelgen. Almatyda, Kazanda, Keńes odaǵy kezinde de osyǵan uqsas áleýmettik toptar bolǵan. Bul tek Qazaqstanda emes, álemniń kóp jerlerinde bar”, - dedi ol Giperborei YouTube arnasyna bergen suqbatynda.
Onyń sózinshe, búginde jurt olardyń áreketin ótken kúnderdiń tarihymen bailanystyryp otyr.
