Endi nábári 500 teńgege kóliktiń tarihyn tekserip alýǵa bolady. Budan basqa da tiimdi usynystar bar, dep habarlaidy Dalanews.kz.
"Azamattarǵa arnalǵan úkimet" memlekettik korporatsiiasy málimetinshe, qazaqstandyqtar kólik tarihyn "TsON" mobildi qosymshasy arqyly teksere alady.
Jańa servis azamattarǵa Qazaqstanda tirkelgen kólik týraly tolyq aqparat alýǵa múmkindik beredi. Munda ákimshilik aiyppuldar, kedendik rásimder, ýtilizatsiialyq alym tólenýi, erekshe belgiler men berilgen tehpasporttar jóninde málimetter qamtylady.
Aqparat alý úshin azamatqa kóliktiń VIN kodyn engizý jetkilikti. Bul qyzmet "TsON" mobildi qosymshasynda (App Store/Google Play) JSN men telefon nómiri arqyly tirkelgennen keiin qoljetimdi.
"Bir tekseristiń baǵasy - 500 teńge. Sondai-aq, basqa da tiimdi usynystar bar: 10 tekseris - 4500 teńge, 20 tekseris - 8000 teńge", - dep jazylǵan habarlamada.
