ەندى ءنابارى 500 تەڭگەگە كولىكتىڭ تاريحىن تەكسەرىپ الۋعا بولادى. بۇدان باسقا دا ءتيىمدى ۇسىنىستار بار، دەپ حابارلايدى Dalanews.kz.
"ازاماتتارعا ارنالعان ۇكىمەت" مەملەكەتتىك كورپوراسياسى مالىمەتىنشە، قازاقستاندىقتار كولىك تاريحىن "سون" ءموبيلدى قوسىمشاسى ارقىلى تەكسەرە الادى.
جاڭا سەرۆيس ازاماتتارعا قازاقستاندا تىركەلگەن كولىك تۋرالى تولىق اقپارات الۋعا مۇمكىندىك بەرەدى. مۇندا اكىمشىلىك ايىپپۇلدار، كەدەندىك راسىمدەر، ۋتيليزاسيالىق الىم تولەنۋى، ەرەكشە بەلگىلەر مەن بەرىلگەن تەحپاسپورتتار جونىندە مالىمەتتەر قامتىلادى.
اقپارات الۋ ءۇشىن ازاماتقا كولىكتىڭ VIN كودىن ەنگىزۋ جەتكىلىكتى. بۇل قىزمەت "سون" ءموبيلدى قوسىمشاسىندا (App Store/Google Play) جسن مەن تەلەفون ءنومىرى ارقىلى تىركەلگەننەن كەيىن قولجەتىمدى.
"ءبىر تەكسەرىستىڭ باعاسى - 500 تەڭگە. سونداي-اق، باسقا دا ءتيىمدى ۇسىنىستار بار: 10 تەكسەرىس - 4500 تەڭگە، 20 تەكسەرىس - 8000 تەڭگە"، - دەپ جازىلعان حابارلامادا.
