Atap aitqanda, ǵalymdar men ónertapqyshtarǵa, injenerlerge, sáýletshilerge jáne qurylysshylarǵa, kenshiler men shahterlerge, geologtarǵa, ónerkásip, kólik, aýyl jáne sý sharýashylyǵy salasynyń qyzmetkerlerine beriletin qurmetti ataqtar qosyldy, dep jazady Dalanews.kz.
Memlekettik hatshy Erlan Qarinniń aitýynsha, qajyrly eńbektiń memlekettik deńgeide baǵalanýy barsha kásip iesine erekshe shabyt beredi jáne eńbek adamynyń bedelin odan ári kóterýge septigin tigizedi.
"Memleket basshysy Ulttyq quryltaida sóilegen sózderinde eńbekqorlyq pen kásibilik qundylyqtaryn dáripteý qajettigi týraly únemi aityp júr. Elimizde jumysshy mamandyqtarynyń mártebesi birtindep artyp keledi. Muǵalimder men dárigerlerdiń jalaqysy kezeń-kezeńimen ósip jatyr. Óndiris ozattary men eńbek dinastiialarynyń ókilderine turaqty túrde memlekettik nagradalar beriledi. Kásibi merekeler keńinen atalyp ótiletin boldy. Búgin Prezident Qasym-Jomart Toqaev tiisti zańǵa qoidy. Endi memlekettik nagradalar júiesine (burynnan bar 6 qurmetti ataqqa) 9 jańa qurmetti ataq engizildi" dep jazdy Erlan Qarin Telegram-daǵy arnasynda.
Atap aitqanda, ǵalymdar men ónertapqyshtarǵa, injenerlerge, sáýletshilerge jáne qurylysshylarǵa, kenshiler men shahterlerge, geologtarǵa, ónerkásip, kólik, aýyl jáne sý sharýashylyǵy salasynyń qyzmetkerlerine beriletin qurmetti ataqtar qosyldy.
"Qajyrly eńbektiń memlekettik deńgeide baǵalanýy barsha kásip iesine erekshe shabyt beredi jáne eńbek adamynyń bedelin odan ári kóterýge septigin tigizedi. Bul zańǵa Memleket basshysy "Jumysshy mamandyqtar jyly" dep jariialaǵan jańa 2025 jyldyń qarsańynda qol qoiylýynyń simvoldyq máni bar" delingen jazbada.
Aita ketsek, 27 jeltoqsanda Memleket basshysy Qasym-Jomart Toqaevtyń Jarlyǵymen 2025 jyl Jumysshy mamandyqtarynyń jyly dep jariialanǵany belgili boldy.
