Jumysshy mamandyqtar jylynyń aiasynda Batys Qazaqstan oblysynda 2000 jyldan beri jumys istep kele jatqan Joǵary injenerlik-tehnologiialyq kolledji men "Batys Qazaqstan aimaqtyq jelilik kompaniiasy" JShS arasynda mańyzdy kelisim jasaldy,– dep habarlaidy Dalanews.kz
Bul yntymaqtastyq — energetika salasyna qajetti kásibi mamandardy birlese daiarlaý, stýdentterdiń tájiribeden ótýine jáne jumysqa ornalasýyna jol ashý maqsatynda qolǵa alyndy.
Kolledj — halyqaralyq talaptarǵa sai bilim berip kele jatqan aldyńǵy qatarly oqý oryndarynyń biri. Onyń dáleli – WorldSkills chempionattarynda kórsetken joǵary nátije men 2024 jylǵy túlekterdiń 91% jumyspen qamtylý kórsetkishi.
Búgingi tańda bilim men óndiristiń tyǵyz bailanysy — básekege qabiletti, tájiribesi mol maman qalyptastyrýdyń basty joly. Al mundai seriktestik jastarǵa naqty múmkindik beredi.
