Mańǵystaýda Sport basqarmasynyń burynǵy basshysy Qanat Jumabaevqa qatysty qylmystyq is aiaqtaldy. Eks-sheneýnikke 2 917 000 teńge aiyppul salyndy. Bul aqparatty Mańǵystaý oblystyq soty jariialady, - dep habarlaidy Dalanews.kz.
Qylmystyq istiń nátijesinde Mańǵystaý oblysynyń Dene shynyqtyrý jáne sport basqarmasynyń eks-basshysy men "Kaspii" fýtbol klýbynyń direktoryna aiyppul salyndy.
"Sot alqasy Qanat Jumabaevqa 2 917 000 teńge aiyppul saldy. "Kaspii" fýtbol klýbynyń direktoryna belgili bir laýazymdardy atqarý nemese belgili bir qyzmetpen ainalysý quqyǵynan ómir boiyna aiyra otyryp, 2 333 600 teńge aiyppul salyndy", - dep jazylǵan habarlamada.
Aita keteiik, Qanat Jumabaev 2022 jyly tamyzda jumys ornynda ustaldy. Byltyr mamyrda sybailas jemqorlyqqa qarsy qyzmet ustaǵan Sport jáne dene shynyqtyrý basqarmasynyń burynǵy basshysy Qanat Jumabaevqa qatysty sot protsesi aiaqtaldy. Biraq bul kezde sot Qanat Jumabaevty aqtap shyqty.
2023 jylǵy shildede Qanat Jumabaev aqtalǵan soń Mańǵystaý oblysynyń Sport jáne dene shynyqtyrý basqarmasynyń basshysy qyzmetine qaita oraldy. Alaida úsh ai ótken soń qyzmetinen ketti.
Al sol jyly qazanda oblystyq Sport basqarmasynyń eks-basshysyna qatysty qylmystyq is qaita jańa sot talqylaýyna jiberildi.
