Premer-ministr Oljas Bektenov Senat otyrysynda depýtat Sultanbek Mákejanovtyń biýdjet shyǵystaryn ońtailandyrý týraly suraǵyna jaýap berdi, dep habarlaidy Dalanews.kz.
Oljas Bektenov aldaǵy úsh jyldyq kezeńge arnalǵan biýdjetti qalyptastyrý sheńberinde bazalyq shyǵystar 15%-dan 12%-ǵa deiin qysqartylǵanyn málimdedi. Bul rette áleýmettik salada biýdjetke eleýli júkteme saqtalyp otyr. Premer-ministrdiń aitýynsha, áleýmettik járdemaqylar men túrli qoldaý sharalary jalpy memlekettik biýdjettiń 60%-y bolady.
"Respýblikalyq biýdjette uzaq ýaqyt boiy bul shyǵyndar 40%-dan astam bolyp keldi. Úsh jyldyq biýdjetti qalyptastyrý kezinde biz atalǵan kórsetkishti 38%-ǵa deiin tómendete aldyq, áli de bolsa tómendetýge bolady. Biz bul jumysty jalǵastyra beremiz. Túrli obektivti faktorlarǵa bailanysty jumys isteýge jáne ózderin qamtamasyz etýge múmkindigi joq azamattar ǵana memleketten áleýmettik qoldaý alatyn bolady. Jumys istei alatyn adam jumys isteýi qajet. Memleket olardy qamqorlyǵynda ustamaýy kerek jáne ustamaidy da", - dedi Oljas Bektenov.
