Vitse-premer – Ulttyq ekonomika ministri Serik Jumanǵarinniń keńesshisi Áliia Rahimova 4vlastinfo.kz basylymynyń jýrnalisi Mádina Jatqanbaevaǵa qoqan-loqy kórsetip, dóreki qarym-qatynas jasady dep aiyptaldy, dep habarlaidy Dalanews.kz.
“Vitse-premerdiń baspasóz hatshysy 4vlastinfo.kz jýrnalisi Mádina Jatqanbaevany iterip jiberip, oǵan qoqan-loqy kórsetti. Oqiǵa búgin májiliste ótken baspasóz konferentsiiasynan keiin boldy. Jýrnalist vitse-premer Serik Jumanǵaringe naqtylaityn suraqtar qoiýǵa tyrysqan. Alaida vitse-ministrdiń baspasóz hatshysy (keńesshisi – KazTAG) Áliia Rahimova ózin dóreki ustap, jýrnalisti iterip jiberip, “barlyq jerge shaǵymdanamyn” dep qorqytýǵa kóshken”, – dep jazdy jýrnalist Svetlana Glýshkova sársenbi kúni áleýmettik jelidegi paraqshasynda.
Onyń aitýynsha, “operatorǵa da túsirýge tyiym salynǵan”.
“Budan bólek, Rahimova jýrnalistke: “Májilis senimen ainalysady” dep aitqan. Bul sózdi qorqytý áreketi retinde baǵalaýǵa bolady. Al jýrnalist Mádina “Jatqanbaeva: Men jai ǵana óz jumysymdy istedim, mańyzdy suraqqa jaýap alǵym keldi. Biraq qalypty dialog ornyna agressiia men qoqan-loqyǵa tap boldym” deidi. Mundai jaǵdai alańdaýshylyq týdyrady, sebebi memlekettik organ ókilderiniń mundai áreketi baspasózge qysym kórsetý retinde qabyldanýy múmkin. Jýrnalistke unamsyz suraq qoiǵannan keiin osyndai reaktsiia bolǵany túsinikti. Biraq aqparat ministrligi bul oqiǵaǵa jyldam jaýap qatty, alaida jýrnalistke qoldaý kórsetý turǵysynan emes”, – dep qosty Glýshkova.
KazTAG bul jaǵdaiǵa bailanysty mádeniet jáne aqparat ministrligine, sondai-aq úkimet apparatyna suranys joldady. Sonymen qatar, oqiǵaǵa qatysty túsinikteme berýin surap, Áliia Rahimovanyń ózine de júgindi.
Qazirgi ýaqytta bul máseleni Astana qalasyndaǵy Qazaqstan Jýrnalister odaǵynyń filialy da baqylaýda ustap otyr.
Eske salaiyq, buǵan deiin KazTAG Exclusive basylymynyń Jumanǵarindi QQS (Qosylǵan qun salyǵy) taqyrybynda jalǵan aqparat taratty dep aiyptaǵanyn habarlaǵan bolatyn. Keiinnen bul qate málimetke jaýapkershilikti Áliia Rahimova óz moinyna alǵan edi.
