Vıse-premer Serik Jumanǵarın búgin Senatta jańa Salyq kodeksiniń talqysy barysynda salyq tóleýden jaltarý faktisiniń aldyn alý úshin AHQO-nyń salyq rejımin qaıta qaraý kerektigin málimdedi, dep habarlaıdy Dalanews.kz.

"Biz salyqtarymyzdan aırylyp jatyrmyz, óıtkeni AHQO Qazaqstan ishindegi qandaı da bir ofshorǵa aınalýy múmkin", - dep málimdedi vıse-premer.

Onyń aıtýynsha, otandyq kompanıalardyń biri óziniń bas keńsesin holdıń arqyly AHQO-ǵa aýystyrdy, saldarynan respýblıkalyq búdjet 200 mlrd teńgeden astam KTS jáne QQS-ty joǵaltty. Jumanǵarın bul alańdatarlyq qubylys ekenin jáne atalǵan olqylyqty túzeý qajettigin basa atap ótti.

Vıse-mınıstr qazaqstandyq zańdy tulǵalar AHQO-ǵa qatysa alatynyn, biraq mundaıda elimiz osyǵan deıin alyp kelgen salyqtan aıyrylmaý kerektigin aıtty. Onyń pikirinshe, qajetti ózgeristerdiń máni de osynda bolyp tabylady.

Atalǵan máseleler AHQO basshylyǵymen talqylanatyn boldy.