Atalǵan jobalardyń birqataryna toqtalsaq. Olar «Amır-A» JSHS-niń 7,5 mlrd. teńgege jylyna 150 myń tonna metal ónimderin shyǵaratyn metalýrgıa zaýytynyń qurylysy. Zaýyt iske qosylǵanda 100 jańa jumys orny qurylady. Al «Green Technology Industries» JSHS-gi 6 mlrd. teńgege 208 jumys ornyn qalyptastyryp, jylyna 50 myń tonna polıetılen qaldyqtaryn qaıta óńdep, shtapeldi talshyq shyǵaratyn bolady. «Asia Trafo» AQ-y 15,9 mlrd. teńgege 220 jumys ornyn quryp, kerneý synyby 110-220 kVt kúshtik transformator óndiretin bolady.
– Elbasy bıylǵy Qazaqstan halqyna arnalǵan «Tórtinshi ónerkásiptik revolúsıa jaǵdaıyndaǵy damýdyń jańa múmkindikteri atty» Joldaýynda ındýstrıalandyrý jańa tehnologıalardy engizýdiń kóshbasshysyna aınalýy tıis dep atap kórsetken bolatyn. Osy oraıda oblystaǵy ónerkásiptik kásiporyndar álemdegi jetekshi óndirýshilerdiń jańa sıfrlyq tehnologıalary men avtomattandyrylǵan basqarý júıelerin keńinen engizýdi josparlap otyrmyz. Al «Bıznestiń jol kartasy – 2020» baǵdarlamasy aıasynda bank nesıeleri boıynsha paıyzdyq mólsherlemeni sýbsıdıalaýǵa 3,4 mlrd. teńgege 350 jobaǵa qoldaý kórsetý josparlanǵan, – dedi óńir basshysy.
Sondaı-aq, ákimniń esebinde málim bolǵandaı «Ońtústik» aımaqtyq ınvestısıalyq ortalyǵy arqyly 4 mlrd. teńgege shaǵyn jáne orta bızneske kómek kórsetý kózdelse, jastardy qoldaý maqsatynda «Jas kásipker» baǵdarlamasy júzege asyrylyp keledi.
OQO ákiminiń baspasóz qyzmeti
https://dalanews.kz/34093
