اتالعان جوبالاردىڭ ءبىرقاتارىنا توقتالساق. ولار «امير-ا» ءجشس-نىڭ 7،5 ملرد. تەڭگەگە جىلىنا 150 مىڭ توننا مەتالل ونىمدەرىن شىعاراتىن مەتاللۋرگيا زاۋىتىنىڭ قۇرىلىسى. زاۋىت ىسكە قوسىلعاندا 100 جاڭا جۇمىس ورنى قۇرىلادى. ال «Green Technology Industries» جشس-گى 6 ملرد. تەڭگەگە 208 جۇمىس ورنىن قالىپتاستىرىپ، جىلىنا 50 مىڭ توننا پوليەتيلەن قالدىقتارىن قايتا وڭدەپ، شتاپەلدى تالشىق شىعاراتىن بولادى. «اsia Trafo» اق-ى 15،9 ملرد. تەڭگەگە 220 جۇمىس ورنىن قۇرىپ، كەرنەۋ سىنىبى 110-220 كۆت كۇشتىك ترانسفورماتور وندىرەتىن بولادى.
– ەلباسى بيىلعى قازاقستان حالقىنا ارنالعان «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى اتتى» جولداۋىندا يندۋستريالاندىرۋ جاڭا تەحنولوگيالاردى ەنگىزۋدىڭ كوشباسشىسىنا اينالۋى ءتيىس دەپ اتاپ كورسەتكەن بولاتىن. وسى ورايدا وبلىستاعى ونەركاسىپتىك كاسىپورىندار الەمدەگى جەتەكشى وندىرۋشىلەردىڭ جاڭا سيفرلىق تەحنولوگيالارى مەن اۆتوماتتاندىرىلعان باسقارۋ جۇيەلەرىن كەڭىنەن ەنگىزۋدى جوسپارلاپ وتىرمىز. ال «بيزنەستىڭ جول كارتاسى – 2020» باعدارلاماسى اياسىندا بانك نەسيەلەرى بويىنشا پايىزدىق مولشەرلەمەنى سۋبسيديالاۋعا 3،4 ملرد. تەڭگەگە 350 جوباعا قولداۋ كورسەتۋ جوسپارلانعان، – دەدى ءوڭىر باسشىسى.
سونداي-اق، اكىمنىڭ ەسەبىندە ءمالىم بولعانداي «وڭتۇستىك» ايماقتىق ينۆەستيسيالىق ورتالىعى ارقىلى 4 ملرد. تەڭگەگە شاعىن جانە ورتا بيزنەسكە كومەك كورسەتۋ كوزدەلسە، جاستاردى قولداۋ ماقساتىندا «جاس كاسىپكەر» باعدارلاماسى جۇزەگە اسىرىلىپ كەلەدى.
وقو اكىمىنىڭ باسپا ءسوز قىزمەتى
https://dalanews.kz/34093
