J.Túimebaev: "Óńirdegi árbir aýdanda lager bolýy qajet"
Jiynda tirkelmegen jer telimderi men aýyl sharýashylyǵy kooperativin qurý, nesielendirýdi jeńildetý jáne aýdandardy tolyǵymen internet jelisimen qamtý, kompiýterlik saýattylyqty arttyrý jaiy qaraldy. Sondai-aq, bilim ordalaryn jańa zamanaýi tehnikamen jabdyqtaý máselesi men Ulttyq biryńǵai testileý kezinde balalaryna qoldaý bildire kelgen ata-analarǵa múmkindiginshe jaǵdai qarastyrý jaiy sóz boldy.
Otyrys barysynda oblys ákimi eń aldymen óńirde jazǵy saýyqtyrý lagerleriniń azdyǵyn aityp, birqatar sala basshylary men aýdan, qala ákimderine syn eskertpe aitty.
– Oblysta biylǵy jyly 1 men 10-synyp oqýshylarynyń sany 579 myńǵa jýyq oqýshyny qurap otyr. Al, bul balalardyń jazǵy demalysyn tiimdi etip uiymdastyrý úshin, barlyq talaptarǵa sai keletin jazǵy saýyqtyrý lagerleri qajet. Men árdaiym balalardyń densaýlyǵy basty nazarda bolý kerektigin aityp kelem. Bir Tóle bi aýdanynda 52 týristtik demalys aimaǵy bar da, biraq lagerler joq. Al, Túlkibas aýdanynda 12 lager bar, – dedi ákim.
Osy baǵyttaǵy jumysty jandandyrý maqsatynda aimaq basshysy aýdandar ózara bailanysyp kenje qalǵan salalar boiynsha tájiribe almasýdy jáne jazǵy saýyqtyrý lagerlerdi salýdy memlekettik-jekeshelik áriptestik aiasynda qolǵa alýdy aýdan, qala ákimderine tapsyrdy.
Árbir aýdan, qalany damytý boiynsha baǵyt-baǵdar bergen aimaq basshysy J.Túimebaev ákimderdiń atqarǵan jumysyn naqty baǵalap, qorytyndy shyǵarylatynyn atap ótti. Sonymen qatar, aýyl ákimderiniń qyzmetke sáikestigin anyqtaý úshin qaitadan áńgimelesýden ótkizýdi oblys ákimi apparatynyń basshysy Á.Turǵymbekovke mindettedi.
Otyrysty qorytyndylai kele ákim oblystaǵy memleketke qarasty jerlerdi ońdy-soldy taratpaý úshin oblys ákiminiń orynbasary B.Jamalovqa aýyl sharýashylyǵy maqsatyndaǵy jermen qosa arnaiy reestr jasaýdy júktedi. Sondai-aq, eksportqa shyǵaratyn ónimderdi suranysqa qarai, ásirese kókónis pen baý-baqsha ónimderi kólemin kóbeitýdi mindettedi.
OQO ákiminiń baspasóz qyzmeti
