جيىندا تىركەلمەگەن جەر تەلىمدەرى مەن اۋىل شارۋاشىلىعى كووپەراتيۆىن قۇرۋ، نەسيەلەندىرۋدى جەڭىلدەتۋ جانە اۋدانداردى تولىعىمەن ينتەرنەت جەلىسىمەن قامتۋ، كومپيۋتەرلىك ساۋاتتىلىقتى ارتتىرۋ جايى قارالدى. سونداي-اق، ءبىلىم وردالارىن جاڭا زاماناۋي تەحنيكامەن جابدىقتاۋ ماسەلەسى مەن ۇلتتىق ءبىرىڭعاي تەستىلەۋ كەزىندە بالالارىنا قولداۋ بىلدىرە كەلگەن اتا-انالارعا مۇمكىندىگىنشە جاعداي قاراستىرۋ جايى ءسوز بولدى.
وتىرىس بارىسىندا وبلىس اكىمى ەڭ الدىمەن وڭىردە جازعى ساۋىقتىرۋ لاگەرلەرىنىڭ ازدىعىن ايتىپ، ءبىرقاتار سالا باسشىلارى مەن اۋدان، قالا اكىمدەرىنە سىن ەسكەرتپە ايتتى.
– وبلىستا بيىلعى جىلى 1 مەن 10-سىنىپ وقۋشىلارىنىڭ سانى 579 مىڭعا جۋىق وقۋشىنى قۇراپ وتىر. ال، بۇل بالالاردىڭ جازعى دەمالىسىن ءتيىمدى ەتىپ ۇيىمداستىرۋ ءۇشىن، بارلىق تالاپتارعا ساي كەلەتىن جازعى ساۋىقتىرۋ لاگەرلەرى قاجەت. مەن ءاردايىم بالالاردىڭ دەنساۋلىعى باستى نازاردا بولۋ كەرەكتىگىن ايتىپ كەلەم. ءبىر تولە بي اۋدانىندا 52 تۋريستتىك دەمالىس ايماعى بار دا، ءبىراق لاگەرلەر جوق. ال، تۇلكىباس اۋدانىندا 12 لاگەر بار، – دەدى اكىم.
وسى باعىتتاعى جۇمىستى جانداندىرۋ ماقساتىندا ايماق باسشىسى اۋداندار ءوزارا بايلانىسىپ كەنجە قالعان سالالار بويىنشا تاجىريبە الماسۋدى جانە جازعى ساۋىقتىرۋ لاگەرلەردى سالۋدى مەملەكەتتىك-جەكەشەلىك ارىپتەستىك اياسىندا قولعا الۋدى اۋدان، قالا اكىمدەرىنە تاپسىردى.
ءاربىر اۋدان، قالانى دامىتۋ بويىنشا باعىت-باعدار بەرگەن ايماق باسشىسى ج.تۇيمەبايەۆ اكىمدەردىڭ اتقارعان جۇمىسىن ناقتى باعالاپ، قورىتىندى شىعارىلاتىنىن اتاپ ءوتتى. سونىمەن قاتار، اۋىل اكىمدەرىنىڭ قىزمەتكە سايكەستىگىن انىقتاۋ ءۇشىن قايتادان اڭگىمەلەسۋدەن وتكىزۋدى وبلىس اكىمى اپپاراتىنىڭ باسشىسى ءا.تۇرعىمبەكوۆكە مىندەتتەدى.
وتىرىستى قورىتىندىلاي كەلە اكىم وبلىستاعى مەملەكەتكە قاراستى جەرلەردى وڭدى-سولدى تاراتپاۋ ءۇشىن وبلىس اكىمىنىڭ ورىنباسارى ب.جامالوۆقا اۋىل شارۋاشىلىعى ماقساتىنداعى جەرمەن قوسا ارنايى رەەستر جاساۋدى جۇكتەدى. سونداي-اق، ەكسپورتقا شىعاراتىن ونىمدەردى سۇرانىسقا قاراي، اسىرەسە كوكونىس پەن باۋ-باقشا ونىمدەرى كولەمىن كوبەيتۋدى مىندەتتەدى.
وقو اكىمىنىڭ باسپا ءسوز قىزمەتى
