Jiynǵa aýdandyq jáne qalalyq bilim bólimderiniń basshylary, ustazdar, bilim salasynyń ardagerleri, oblystyq máslihat depýtattary jáne óńir basshysy Janseiit Túimebaev qatysty. Keńesti oblys ákiminiń orynbasary Ulasbek Sádibekov júrgizip otyrdy.
Jiynda Túrkistan oblystyq bilim basqarmasynyń basshysy Isatai Saǵyndyqovtyń 2017-2018 oqý jylynda atqarylǵan jumystary men aldaǵy mindetter týraly baiandamasy tyńdaldy. Onyń aitýynsha, biyl óńirdiń bilim berý salasyna 262 mlrd. 24 mln. teńge qaralyp, qarjy kólemi 2017 jylmen salystyrǵanda 6 mlrd. 15 mln. teńgege ulǵaiǵan. Biyl oblys boiynsha birinshi synypqa 55385 oqýshy keledi. Iaǵni, mektepke keletin oqýshy sany 19 myńǵa artqan. Demografiialyq ósimge bailanysty 2018-2025 jyldary aralyǵynda óńirde 184 mektep salý qajettiligi týyndap otyr. Biyl bilim berý salasyna qajetti 83 nysannyń qurylysy qolǵa alynǵan. Onyń 40-y jyl sońyna deiin paidalanýǵa beriledi. Nátijesinde 9 apatty, 5 úsh aýysymdy, 13 yńǵailastyrylǵan jáne oryn tapshylyǵy baiqalǵan 10 mekteptiń máselesi sheshiledi. Sondai-aq 3 kolledjdiń de ǵimaraty jańarady. Mektepterdi oqýlyqpen qamtý, qysqy maýsymǵa ázirleý jumystary da oidaǵydai. Biyl UBT-ǵa óńirdegi 25504 túlektiń 16181- qatysyp, olardyń ortasha baly 79,6-ny quraǵan. Biyl Túrkistan oblysyndaǵy mektepterde 474 myńǵa jýyq oqýshy bilim alady.
Ustazdardyń oi-pikirlerin tyńdaǵan Túrkistan oblysynyń ákimi Janseiit Túimebaev bilim salasy Elbasynyń basty nazarynda turǵanyn atap ótti.
Túrkistan tórindegi tarihi Tamyz keńesinde oblys ákimi bir top ustazdady marapattady. Atap aitsaq, 5 adamǵa «Oblysqa sińirgen eńbegi úshin» medali tapsyrylsa, 10 pedagogqa oblys ákiminiń gramotasy men Alǵys haty tapsyryldy. Sonymen qatar, 20 adam QR Bilim jáne ǵylym ministrliginiń marapattaryna ie bolsa, 5 ustaz oblystyq máslihattyń gramotasymen marapattaldy.
Túrkistan oblysy ákiminiń baspasóz qyzmeti
