«Nurym Grýpp» jaýapkershiligi shekteýli seriktestiginiń mal bordaqylaý kesheninde qosymsha qurama jem shyǵaratyn tseh jáne mal soiý alańy da qarastyrylǵan. Aýdanǵa arnaiy saparmen barǵan oblys ákimi J.Túimebaev atalǵan nysanǵa aialdap, seriktestiktiń aldaǵy jumys josparymen tanysty.
Sairam aýdanynyń aýyl sharýashylyǵy salasy negizinen mal sharýashylyǵy men kókónis ósirýge baǵyttalǵanyn aitqan aimaq basshysy bul keshen iske qosylsa, eldegi et eksporty artatynyn atap ótti.
– Aýdandaǵy aýyl sharýashylyǵy salasynda jyl basynan beri óndirilgen ónim kólemi 15 mlrd. teńgeden asqan. Al, osy ýaqyt ishinde 11 myń tonna shamasynda et, 51 myń tonna sút, 7 mln. dana jumyrtqa óndirilgen. Qurylys jumystary júrgizilip jatqan keshen aýdandaǵy eń iri mal bordaqylaý alańynyń biri bolyp otyr. Osy qarqynmen jumysty jalǵastyra otyryp, óńdeý ónerkásibine kóńil bólip, maldy tiridei satýdan bólek onyń etin tereń óńdep satý máselesin de qolǵa alý qajet, – dedi oblys ákimi.
Al, keshenniń qurylysymen tanystyrǵan kásipker S.Ertaev kesheni iske qosqanda et eksporty kóleminiń arttyratyndyǵyn aitty.
– Qyrkúiek aiynda mal bordaqylaý jumysyn bastaimyz. Jumys jospar boiynsha júrgende kúnine 100 bas siyrdyń etin óndirýge qol jetkizemiz. Qazirgi tańda, et eksportaýǵa qatysty Iran jáne Ózbekstan elderimen kelisim-shart túzildi. Bizdiń ónimderge degen suranys óte joǵary. Ázirge tipti úlgere almai jatyrmyz dep aitýǵa bolady. Máselen, jyl basynan beri Ózbekstanǵa jalpy 800 tonna, Iranǵa 200 tonna et jóneltildi, – dedi kásipker.
Joba quny 3,456 mlrd. teńgeni quraidy. 80 adam jumyspen qamtylyp otyrǵan keshende jylyna 5000 tonna et óndiriledi.
Sondai-aq, óńir basshysy aýdanǵa sapary barysynda shetelderden kelgen eriktilermen kezdesip, jumysshy toptyń atqaryp jatqan jumystarymen tanysty. Sonymen qatar, eriktilerge alǵys bildirgen oblys ákimi toptyń birqatar múshelerin marapattady.
Quramynda dáriger, qurylysshy syndy túrli salanyń mamany bar eriktiler tobynyń Sairam aýdanyna kelgenine 3 aptanyń júzi bolǵan. Olar munda áleýmettik az qamtylǵan otbasylarǵa túrli baǵytta aqysyz túrde kómek kórsetýmen ainalysyp keledi. Sheteldik qaiyrymdy jandar elimizde taǵy 2,5 aiǵa deiin bolyp, muqtaj jandarǵa qol uyn sozýdy josparlap otyr.
Túrkistan oblysy ákiminiń baspasóz qyzmeti
