J.Túimebaev: «Báidibek aýdanynda quny 7,4 mlrd. teńgeni quraityn kún elektr stantsiiasy salynady»
Aimaq basshysy kezdesýde óńirimizdiń ekonomikalyq áleýetin tanystyryp, birlesip investitsiialyq jobalardy júzege asyrýǵa daiyn ekendikterin jetkizdi.
– Ońtústik Koreiany jańa tehnologiia, aýyl sharýashylyǵy, óndiris salalary damyǵan el retinde bilemiz. Bolashaqta atalǵan salalarda bailanys ornatyp, eki el arasyndaǵy dostyq qarym-qatynasty nyǵaita túsemiz degen senimdemiz. Túrkistan oblysy kásiporyndar ashyp, kásipkerlik salasyn damytýǵa óte qolaily aimaq. Sondai-aq, óńirimizde jańa jobalar quryp, jumys isteýge nietti investorlarǵa túrli jeńildikter men múmkindikter qarastylǵan, – dedi Janseiit Qanseiituly.
Kezdesý barysynda qonaqtar Beidibek aýdanynan jalpy quny 7,4 mlrd. teńgeni quraityn kún elektr stantsiiasyn salý týraly usynysyn bildirdi. Jambyl aýylynda boi kóteretin stantsiianyń jalpy aýmaǵy 1200 gektardy quraidy. Joba júzege asyrylsa, 10 Mvt. elektr energiiasy óndiriletin bolady. Sondai-aq, 50 adam jumyspen qamtylady.
Túrkistan oblysy ákiminiń baspasóz qyzmeti
