Qazaqstan musylmandary dini basqarmasy jolda namaz oqýǵa tyiym salynatynyn málimdedi, dep habarlaidy Dalanews.kz.
Qazaqstan musylmandary dini basqarmasynyń baspasóz qyzmeti namaz oqý úshin joldy jaýyp, basqa adamdarǵa ziian keltirýdiń jónsiz áreket ekenin eskertti.
“Namaz oqý úshin joldy jaýyp, basqa adamdarǵa ziian keltirýge bolmaidy. Sol sebepti sizderdi namazǵa erterek kelýge, arnaiy belgilengen oryndarda otyrýǵa, joldardy jappaýǵa, kólikterdi ruqsat etilgen jerlerge qoiýǵa jáne tártip pen talaptardy qatań saqtaýǵa shaqyramyz”, – delingen basqarma habarlamasynda.
6 jeltoqsanda Almatydaǵy Ortalyq meshitke juma namazyna alǵash ret kelgen keibir jamaǵat meshittiń aýlasyna syimai qalǵan. Namaz bastalmas buryn meshit qyzmetkerleri jamaǵatty meshit aýlasyna ornalastyrǵan. Alaida juma namazy bastalǵannan keiin bes minýttyq qulshylyq meshittiń oń jaq bóliginde, iaǵni M. Mámetova kóshesiniń júris bóliginde oryndalǵan. Osyǵan bailanysty kóshede keptelis paida bolǵan.
“Jolda namaz oqýǵa tyiym salýdyń negizgi sebebi – kólik qozǵalysyna kedergi keltirýdiń aldyn alý. Júris bóligimen jedel járdem kóligi, órt sóndirý mashinasy nemese jumysqa asyǵyp bara jatqan adam ótýi múmkin. Tipti bes minýtqa kósheni jabý kólik qozǵalysyna qiyndyq týǵyzyp, keptelis týdyrady”, – dep tolyqtyrdy basqarma.
Aita keteiik, buǵan deiin Almatyda bir top adam joldyń adamdar júretin bóliginde namaz oqyp, kólik qozǵalysyn toqtatyp, keptelis týdyrdy.
Osyǵan bailanysty Almaty qalalyq politsiia departamenti pikir bildirdi. Olardyń málimetinshe, bul jaǵdai Medeý aýdanynda bolǵan.
"Tártip saqshylary oqiǵa ornyna baryp, azamattarǵa quqyq buzýshylyqtyń jaýapkershilikke ákeletinin túsindirdi. Jol qozǵalysy erejelerin qatań saqtaý kerektigin eskertti", — dep habarlady politsiia departamentiniń baspasóz qyzmeti.
Sonymen qatar Almaty qalalyq politsiia departamenti jaǵdai boiynsha tekserý júrgizip jatqanyn habarlady.
"Tiisti sharalar qabyldanady. Sonymen birge, Almaty qalalyq politsiia departamenti «Zań jáne tártip” printsipin eske salyp, azamattardy Qazaqstan Respýblikasynyń zańnamasyn qatań saqtaýǵa shaqyrady. Kez kelgen sebeppen joldy jabý – jol qozǵalysy erejelerin buzý bolyp tabylady jáne ÁQBtK-niń 614-babyna sáikes jaýapkershilikke tartylady", — delingen habarlamada.
Politsiianyń málimetinshe, osyndai quqyq buzýshylyqtardyń aldyn alý maqsatynda Almatyda profilaktikalyq jáne quqyqtyq túsindirý jumystary kúsheitildi.
"Mundai faktilerge jol berýge bolmaidy, olar toqtatylady", — dep atap ótti politsiia ókilderi.
