Iá, Shyǵys Qazaqstan oblysynda densaýlyq saqtaý salasyna erekshe kóńil bólinýde. Sońǵy úlgidegi meditsinalyq qural jabdyqtarmen emdeý oryndaryn jabdyqtaý jyl saiyn júzege asyrylýda.
Aq halatty abzal jandardyń biliktiligin arttyrýǵa jiti nazar aýdarylyp, oblystyń dárigerleri shet eldiń beldi emhanalarynda bilimin jetildirip, is-tájiribeden, taǵylymdamadan ótti. Óz kezeginde olar alǵan ilimderin, aimaqqa kelip, em-dom júrgizýge qoldanbaq.
Máselen meditsinalyq kadrlardy oqytý baǵdarlamasy boiynsha aǵymdaǵy jyldyń basynan beri oblystyń 13 meditsina qyzmetkeri Izrail men Germaniianyń onkogematologiia, gematologiia, kardiologiia, Akýsherlik jáne ginekologiia klinikalarynda bilim aldy.
Aǵymdaǵy jyldyń sońyna deiin 13 gematolog dáriger men 10 anesteziolog-reanimatologty oqytý josparlanyp otyr.
Keler 2023 jyly Izrail, Germaniia jáne Resei Federatsiiasynyń jetekshi klinikalarynda onkologiia, neirohirýrgiia, kardiohirýrgiia, travmatologiia-ortopediia, neonatologiia baǵyttary boiynsha 15 mamandy shetelde oqytý josparlanyp otyr. Oqý merzimi 3 ai.
Osylaisha densaýlyq salasynda bilikti mamandardyń sanyn arttyrý kózdelinýde.
Jáne Aýyldyq jerge kelgen dárigerlerge de erekshe kóńil bólinip otyr. Segiz mamanǵa kóterme qarajat, ekeýine turǵyn úi satyp alý úshin jeńildikpen kredit berý jáne 5 mamanǵa qyzmettik páter berildi. Bul óz kezeginde aq halatty abzal jandardyń alańsyz jumys isteýine sep bolmaq.
Iá, Elimizde Shyǵys Qazaqstan oblysy densaýlyq saqtaý júiesin damytýǵa, meditsinalyq qural jabdyqtarmen aýrýhanalardy qamtý jaǵynan aldyńǵy orynda.
Máselen Oblystaǵy densaýlyq saqtaý júiesin damytý maqsatynda jalpy somasy 2 438 646 myń teńge kóleminde meditsinalyq jabdyqtar alyndy.
Atap aitsaq 8 rentgen apparaty, 2 fliýorograf, 3 mammograf, otorinolaringologiialyq operatsiialarǵa arnalǵan mobildi mikroskop alyndy.
Sondai-aq aýdandyq aýrýhanalardyń 119 perzenthana bólimshelerin 451 092,8 myń teńge somasyna qajetti meditsinalyq jabdyqtar alyndy.
Al Shyǵys Qazaqstan oblysy boiynsha densaýlyq saqtaý obektilerin salýǵa 2022 jylǵa 22 496 150,0 myń teńge bólindi. 5 nysannyń qurylysy jáne 2 obektiniń jobalaý-smetalyq qujattamasy ázirlenip jatyr.
Óskemen qalasynda gematologiia ortalyǵynyń qurylysy jalǵasýda, ShQO DSB "Shyǵys Qazaqstan oblystyq mamandandyrylǵan meditsinalyq ortalyǵy" ShJQ KMK qabyldaý-diagnostikalyq bólimshesin jańǵyrtýǵa, Ridder qalasynda bir aýysymda 140 oryndyq statsionar jáne 500 adam qabyldaityn emhanasy bar kóp beiindi aýrýhana keshenin salý, ShQO Kúrshim aýdany Qaljyr aýylynda "Aýyl-el besigi" baǵdarlamasy aiasynda 20 kelýshige arnalǵan dárigerlik ambýlatoriia jáne 5 oryndyq kúndizgi statsionar salý josparlanyp otyr.
Bul bir ǵana densaýlyq saqtaý salasynda atqarylyp jatqan jumystar.
