Sharaǵa ýnıversıtettiń prorektorlary, qurylymdyq bólimshelerdiń jetekshileri, profesor-oqytýshylar quramy jáne bilim alýshylary qatysty.
Oqý oryn basshysy Takır Balyqbaev alǵy sózinde Qazaqstan Prezıdentiniń Qazaqstan halqyna arnalǵan Joldaýynyń negizgi qaǵıdalaryna toqtaldy. Sóz barysynda Joldaýdaǵy «Adamı kapıtal – jańǵyrý negizi» jetinshi mindetke baılanysty bilim berý isinde ózimizdiń ozyq júıemizdi qurýdy jedeldetý, orta bilim berý salasynda jańartylǵan mazmunǵa kóshý, jańa baǵdarlamalar, oqýlyqtar, standarttar jáne kadrlar daıarlaý, pedagogtardy oqytý jáne olardyń biliktiligin arttyrý joldaryn qaıta qaraý, jastardy jańa tehnologıalyq qalypqa daıyndaý, qoldanbaly ǵylymı-zertteýlerdi aǵylshyn tiline birtindep kóshirýdi júzege asyrý, jasandy ıntellektpen jáne «úlken derektermen» jumys isteý úshin aqparattyq tehnologıalar boıynsha bilim alǵan túlekter sanyn kóbeıtý máseleleriniń ózektiligine toqtaldy.
Jıyn barysynda Abaı atyndaǵy QazUPÝ Ǵylymı jumys jáne halyqaralyq yntymaqtastyq jónindegi prorektor Aqtolqyn Qulsarıeva («Tórtinshi ónerkásiptik revolúsıa jaǵdaıyndaǵy Qazaqstan») jáne Fılologıa jáne kóptildi bilim berý ınstıtýtynyń dırektory Baltabaı Ábdiǵazıuly («Elbasy Joldaý – elimizdiń tuǵyrly bolashaǵy») baıandama jasap, kafedra meńgerýshilerine sóz berildi.
Sondaı-aq, jınalysta «Qazaqstan-2050» Strategıasynan týyndaıtyn elimizdiń álemdegi 30 damyǵan elderdiń qataryna kirý týraly maqsaty, «Qazaqstannyń úshinshi jańǵyrýy: jahandyq básekege qabilettilik» Joldaýymen, «Sıfrly Qazaqstan» memlekettik baǵdarlamasyn iske asyrý máseleleri sóz boldy.
Jınalysqa qatysýshylar Elbasy Joldaýyndaǵy mindetterdi sapaly júzege asyrý máseleleri boıynsha belsendi túrde pikir almasty.
Rımma Janbaeva
https://dalanews.kz/33300
