جاقىندا اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە ق ر پرەزيدەنتى نۇرسۇلتان نازاربايەۆتىڭ قازاقستان حالقىنا ارنالعان «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى» جولداۋىن تالقىلاۋ بويىنشا جينالىس ءوتتى.

شاراعا ۋنيۆەرسيتەتتىڭ پرورەكتورلارى، قۇرىلىمدىق بولىمشەلەردىڭ جەتەكشىلەرى، پروفەسسور-وقىتۋشىلار قۇرامى جانە ءبىلىم الۋشىلارى قاتىستى.

وقۋ ورىن باسشىسى تاكير بالىقبايەۆ العى سوزىندە قازاقستان پرەزيدەنتىنىڭ قازاقستان حالقىنا ارنالعان جولداۋىنىڭ نەگىزگى قاعيدالارىنا توقتالدى. ءسوز بارىسىندا جولداۋداعى «ادامي كاپيتال – جاڭعىرۋ نەگىزى» جەتىنشى مىندەتكە بايلانىستى ءبىلىم بەرۋ ىسىندە ءوزىمىزدىڭ وزىق جۇيەمىزدى قۇرۋدى جەدەلدەتۋ، ورتا ءبىلىم بەرۋ سالاسىندا جاڭارتىلعان مازمۇنعا كوشۋ، جاڭا باعدارلامالار، وقۋلىقتار، ستاندارتتار جانە كادرلار دايارلاۋ،  پەداگوگتاردى وقىتۋ جانە ولاردىڭ بىلىكتىلىگىن ارتتىرۋ جولدارىن قايتا قاراۋ، جاستاردى جاڭا تەحنولوگيالىق قالىپقا دايىنداۋ، قولدانبالى عىلىمي-زەرتتەۋلەردى اعىلشىن تىلىنە بىرتىندەپ كوشىرۋدى جۇزەگە اسىرۋ، جاساندى ينتەللەكتپەن جانە «ۇلكەن دەرەكتەرمەن» جۇمىس ىستەۋ ءۇشىن اقپاراتتىق تەحنولوگيالار بويىنشا ءبىلىم العان تۇلەكتەر سانىن كوبەيتۋ  ماسەلەلەرىنىڭ وزەكتىلىگىنە توقتالدى.

جيىن بارىسىندا اباي اتىنداعى قازۇپۋ عىلىمي جۇمىس جانە حالىقارالىق ىنتىماقتاستىق جونىندەگى پرورەكتور  اقتولقىن قۇلسارييەۆا («ءتورتىنشى ونەركاسىپتىك ريەۆوليۋسيا جاعدايىنداعى قازاقستان») جانە فيلولوگيا جانە كوپتىلدى ءبىلىم بەرۋ ينستيتۋتىنىڭ ديرەكتورى بالتاباي ءابدىعازي ۇلى («ەلباسى جولداۋ – ەلىمىزدىڭ تۇعىرلى بولاشاعى») بايانداما جاساپ، كافەدرا مەڭگەرۋشىلەرىنە ءسوز بەرىلدى.

سونداي-اق، جينالىستا «قازاقستان-2050» ستراتەگياسىنان تۋىندايتىن ەلىمىزدىڭ الەمدەگى 30 دامىعان ەلدەردىڭ قاتارىنا كىرۋ تۋرالى ماقساتى، «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىمەن، «سيفرلى قازاقستان» مەملەكەتتىك باعدارلاماسىن ىسكە اسىرۋ ماسەلەلەرى ءسوز بولدى.

جينالىسقا قاتىسۋشىلار ەلباسى جولداۋىنداعى مىندەتتەردى ساپالى جۇزەگە اسىرۋ ماسەلەلەرى بويىنشا بەلسەندى تۇردە پىكىر الماستى.

ريمما جانبايەۆا

 

https://dalanews.kz/33300