– Elbasymyz Qazaqstan halqyna usynyp otyrǵan biylǵy Joldaýynyń «Adami kapital – jańǵyrý negizi» jetinshi baǵytynda bilim berý salasynynyń máselelerine erekshe toqtalǵan.
Joǵary bilimdi, óz kásibiniń sheber mamandaryn daiarlaý máselesi qashanda ózekti ekeni belgili. Kez kelgen memlekettiń damýynda mańyzdy ról atqaratyn kásibi mamandyqtar orny qai ýaqytta da erekshe atalyp keledi. Elbasy «Bolashaqta eńbek etip, ómir súretinder búgingi mektep oqýshylary, muǵalim olardy qalai tárbielese, Qazaqstan da sol deńgeide bolady. Sondyqtan ustazǵa júkteletin mindet óte aýyr» dep muǵalim rólin joǵary baǵalaǵan bolatyn. Prezidentimizdiń Joldaýynda júktegen mindetterine bailanysty ýniversitetimizdiń deńgeiin damyǵan elderdegi deńgeige jetkizý, muǵalimderimizdiń mártebesin kóterý, stýdentterdiń bilim alýyna jaǵdai jasaý baǵytynda qazirgi tańda rektorymyz Takir Balyqbaevtyń bastamasymen ýniversitetimizde aýqymdy jumystar atqarylýda.
Stýdentterge tsifrlyq qyzmet kórsetý ortalyǵy, Kásibi biliktilikti arttyrý jáne qashyqtyqtan oqytý ortalyqtary ashylyp, oqytýshylardyń biliktiligin kóterý maqsatynda kýrstar júrgizilip jatyr.
90 jyldyq tarihy bar Qazaq ulttyq pedagogikalyq ýniversitetiniń doktoranty retinde men úshin qýantarlyq jaǵdai. Bolashaq mamandardy daiarlaityn oqý oryndaryn, ol jerdegi bilim beretin oqytýshylardy qoldaý el bolashaǵyna jasalynatyn altyn qor dep bilemin.
Búgingi ustazdardyń eń basty maqsaty – bilimdi shyńdaý, aǵylshyn tilin meńgerý. Elbasymyz 2018 jyldaǵy Joldaýyn¬da elimizde bilim berý salasyn damytýdyń jańa mindetterin naqty belgilep berdi. Osy mindetti iske asyrý bilim berý salasy qyzmetkerleri men ustazdarǵa, bilim alyp júrgen bizderge úlken jaýapkershilik júkteidi.
Sonymen qatar, qazir tehnikalyq mamandyqtardyń, ǵylym men innovatsiianyń kúni týǵan zaman. Erinbei eńbek etken, talmai ǵylym izdegen, jalyqpai tehnika meńgergen adam ozady. Turmysy jaqsy, abyroiy asqaq bolady. «Jumyla kótergen júk jeńil» demekshi, ár azamat Elbasy tapsyrmalaryn oryndaý¬da ózindik úlesterin qosqany abzal.
– Egemen elimizdiń kemel keleshegi úshin eń ózekti shart bolyp sanalatyn oqý-bilim máselesine Elbasymyz, Ult Kóshbasshysy N.Á.Nazarbaev únemi airyqsha kóńil bólip, qoldaý kórsetip keledi. Sonyń bir dáleli, 10 qańtarda jariialaǵan «Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri» atty Joldaýy. Joldaýda Prezident halqymyz júzege asyrýǵa tiis 10 negizgi baǵytty aiqyndap berdi. Elbasynyń usynystary men oilary maǵan da erekshe qozǵaý týǵyzdy.
Atap aitqanda, «Adami kapital – jańǵyrý negizi» dep atalatyn jetinshi baǵyty, bilim berý salasyna arnalǵan. Ol buryn da óziniń strategiialyq máni bar eńbekterinde, halyqqa arnaǵan jyl saiynǵy Joldaýlarynda, sóilegen sózderi men stýdent-jastar aldynda oqyǵan dáristerinde oqý-bilim jaily aityp keledi.
Biylǵy Joldaýynda Elbasymyz barlyq jastaǵy azamattardy qamtityn bilim berý isinde ózimizdiń ozyq júiemizdi qurýdy jedeldetýdiń qajettiligi, pedagogtardy oqytý jáne olardyń biliktiligin arttyrý joldaryn qaita qaraý, bilim berý mekemeleriniń arasyndaǵy básekelestikti arttyrý, jas urpaqty ǵylymi-zertteý salasyna jáne óndiristik-tehnologiialyq ortaǵa utymdy túrde kiriktirý, tsifrlyq bilim berý resýrstaryn damytý máselelerine bilim berý salasy qyz-metkerleriniń erekshe nazaryn aýdaryp, úlken mindetterge jetelep otyr.
Men elimizdegi Joǵary oqý oryndarynyń qara shańyraǵy, eńseli bilim ordalarynyń biri Abai atyndaǵy Qaz UPÝ-de «Bastaýysh oqytý pedagogikasy men ádistemes» mamandyǵynyń 1 kýrs doktorantymyn. Elbasynyń 21 ǵasyr baqtalastyq emes, básekelestik ǵasyry degen oiyn basshylyqqa ala otyryp, básekege qabiletti, jańasha oilaityn, ózime de, qoǵamǵa da shyǵarmashylyq-jasampazdyq turǵydan talap qoia biletin bilikti maman bolý meniń armanym. Men Elbasynyń búgingi tańda ustanyp otyrǵan ekonomikalyq- álýmettik jáne halyqaralyq saiasatyn shyn júrekten qoldaimyn. Ásirese biylǵy Joldaýy maǵan kóp oi saldy. Ózimniń oqýym men bilimimdi Joldaýdaǵy týyndap otyrǵan mindetterdi júzege asyrýǵa jumsaimyn.
