جانات جانبايەۆا، اباي اتىنداعى قازۇپۋ-دىڭ  تاريح جانە قۇقىق ينستيتۋتى دوكتورانتى:

– ەلباسىمىز قازاقستان حالقىنا ۇسىنىپ وتىرعان بيىلعى جولداۋىنىڭ «ادامي كاپيتال – جاڭعىرۋ نەگىزى» جەتىنشى باعىتىندا  ءبىلىم بەرۋ سالاسىنىنىڭ ماسەلەلەرىنە ەرەكشە توقتالعان. 

جوعارى بiلiمدi، ءوز كاسiبiنiڭ شەبەر ماماندارىن دايارلاۋ ماسەلەسi قاشاندا وزەكتi ەكەنى بەلگىلى. كەز كەلگەن مەملەكەتتiڭ دامۋىندا ماڭىزدى ءرول اتقاراتىن كاسىبي ماماندىقتار ورنى قاي ۋاقىتتا دا ەرەكشە اتالىپ كەلەدى. ەلباسى «بولاشاقتا ەڭبەك ەتiپ، ءومiر سۇرەتiندەر بۇگiنگi مەكتەپ وقۋشىلارى، مۇعالiم ولاردى قالاي تاربيەلەسە، قازاقستان دا سول دەڭگەيدە بولادى. سوندىقتان ۇستازعا جۇكتەلەتiن مiندەت وتە اۋىر» دەپ مۇعالiم ءرولiن جوعارى باعالاعان بولاتىن. پرەزيدەنتىمىزدىڭ جولداۋىندا جۇكتەگەن مىندەتتەرىنە بايلانىستى ۋنيۆەرسيتەتىمىزدىڭ دەڭگەيىن دامىعان ەلدەردەگi دەڭگەيگە جەتكiزۋ، مۇعالiمدەرىمىزدىڭ مارتەبەسiن كوتەرۋ، ستۋدەنتتەردىڭ ءبىلىم الۋىنا جاعداي جاساۋ باعىتىندا قازىرگى تاڭدا رەكتورىمىز تاكير بالىقبايەۆتىڭ باستاماسىمەن ۋنيۆەرسيتەتىمىزدە اۋقىمدى جۇمىستار اتقارىلۋدا.

ستۋدەنتتەرگە سيفرلىق قىزمەت كورسەتۋ ورتالىعى، كاسىبي بىلىكتىلىكتى ارتتىرۋ جانە قاشىقتىقتان وقىتۋ ورتالىقتارى اشىلىپ، وقىتۋشىلاردىڭ بىلىكتىلىگىن كوتەرۋ ماقساتىندا كۋرستار جۇرگىزىلىپ جاتىر.

90 جىلدىق تاريحى بار قازاق ۇلتتىق پەداگوگيكالىق ۋنيۆەرسيتەتىنىڭ دوكتورانتى رەتىندە مەن ءۇشىن قۋانتارلىق جاعداي. بولاشاق مامانداردى دايارلايتىن وقۋ ورىندارىن، ول جەردەگى ءبىلىم بەرەتىن وقىتۋشىلاردى قولداۋ ەل بولاشاعىنا جاسالىناتىن التىن قور دەپ بىلەمىن.

بۇگىنگى ۇستازداردىڭ ەڭ باستى ماقساتى – ءبىلىمدى شىڭداۋ، اعىلشىن ءتىلىن مەڭگەرۋ. ەلباسىمىز 2018 جىلداعى جولداۋىن¬دا ەلiمiزدە بiلiم بەرۋ سالاسىن دامىتۋدىڭ جاڭا مiندەتتەرiن ناقتى بەلگiلەپ بەردi. وسى مiندەتتi iسكە اسىرۋ بiلiم بەرۋ سالاسى قىزمەتكەرلەرi مەن ۇستازدارعا، ءبىلىم الىپ جۇرگەن بىزدەرگە ۇلكەن جاۋاپكەرشiلiك جۇكتەيدi.

سونىمەن قاتار، ءقازىر تەحنيكالىق ماماندىقتاردىڭ، عىلىم مەن يننوۆاسيانىڭ كۇنى تۋعان زامان. ەرىنبەي ەڭبەك ەتكەن، تالماي عىلىم ىزدەگەن، جالىقپاي تەحنيكا مەڭگەرگەن ادام وزادى. تۇرمىسى جاقسى، ابىرويى اسقاق بولادى. «جۇمىلا كوتەرگەن جۇك جەڭىل» دەمەكشى، ءار ازامات ەلباسى تاپسىرمالارىن ورىنداۋ¬دا وزىندىك ۇلەستەرىن قوسقانى ابزال.

 

اسەل يساتايەۆا، اباي اتىنداعى قازۇپۋ پەداگوگيكا جانە پسيحولوگيا ينستيتۋتى دوكتورانتى: 

– ەگەمەن ەلىمىزدىڭ كەمەل كەلەشەگى ءۇشىن ەڭ وزەكتى شارت بولىپ سانالاتىن ءوقۋ-بىلىم ماسەلەسىنە ەلباسىمىز، ۇلت كوشباسشىسى ن.ءا.نازاربايەۆ ۇنەمى ايرىقشا كوڭىل ءبولىپ، قولداۋ كورسەتىپ كەلەدى. سونىڭ ءبىر دالەلى، 10 قاڭتاردا جاريالاعان  «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋى. جولداۋدا پرەزيدەنت حالقىمىز جۇزەگە اسىرۋعا ءتيىس 10 نەگىزگى باعىتتى ايقىنداپ بەردى. ەلباسىنىڭ ۇسىنىستارى مەن ويلارى  ماعان دا ەرەكشە قوزعاۋ تۋعىزدى.

اتاپ ايتقاندا،  «ادامي كاپيتال – جاڭعىرۋ نەگىزى» دەپ اتالاتىن جەتىنشى باعىتى، ءبىلىم بەرۋ سالاسىنا ارنالعان. ول بۇرىن دا ءوزىنىڭ ستراتەگيالىق ءمانى بار ەڭبەكتەرىندە، حالىققا ارناعان جىل سايىنعى جولداۋلارىندا، سويلەگەن سوزدەرى مەن ستۋدەنت-جاستار الدىندا وقىعان دارىستەرىندە ءوقۋ-بىلىم جايلى ايتىپ كەلەدى.

بيىلعى جولداۋىندا ەلباسىمىز بارلىق جاستاعى ازاماتتاردى قامتيتىن ءبىلىم بەرۋ ىسىندە ءوزىمىزدىڭ وزىق جۇيەمىزدى قۇرۋدى جەدەلدەتۋدىڭ قاجەتتىلىگى، پەداگوگتاردى وقىتۋ جانە ولاردىڭ بىلىكتىلىگىن ارتتىرۋ جولدارىن قايتا قاراۋ، ءبىلىم بەرۋ مەكەمەلەرىنىڭ اراسىنداعى باسەكەلەستىكتى ارتتىرۋ، جاس ۇرپاقتى عىلىمي-زەرتتەۋ سالاسىنا جانە وندىرىستىك-تەحنولوگيالىق ورتاعا ۇتىمدى تۇردە كىرىكتىرۋ، سيفرلىق ءبىلىم بەرۋ رەسۋرستارىن دامىتۋ ماسەلەلەرىنە ءبىلىم بەرۋ سالاسى قىز-مەتكەرلەرىنىڭ ەرەكشە نازارىن اۋدارىپ، ۇلكەن مىندەتتەرگە جەتەلەپ وتىر.

مەن ەلىمىزدەگى جوعارى وقۋ ورىندارىنىڭ قارا شاڭىراعى، ەڭسەلى ءبىلىم وردالارىنىڭ ءبىرى اباي اتىنداعى قاز ۇپۋ-دە «باستاۋىش وقىتۋ پەداگوگيكاسى مەن ادىستەمەس» ماماندىعىنىڭ 1 كۋرس دوكتورانتىمىن. ەلباسىنىڭ 21  عاسىر باقتالاستىق ەمەس، باسەكەلەستىك  عاسىرى دەگەن ويىن باسشىلىققا الا وتىرىپ، باسەكەگە قابىلەتتى، جاڭاشا ويلايتىن، وزىمە دە، قوعامعا دا شىعارماشىلىق-جاسامپازدىق تۇرعىدان تالاپ قويا بىلەتىن بىلىكتى مامان بولۋ مەنىڭ ارمانىم. مەن ەلباسىنىڭ بۇگىنگى تاڭدا ۇستانىپ وتىرعان ەكونوميكالىق- الۋمەتتىك جانە حالىقارالىق ساياساتىن شىن جۇرەكتەن قولدايمىن. اسىرەسە بيىلعى جولداۋى ماعان كوپ وي سالدى. ءوزىمنىڭ وقۋىم مەن ءبىلىمىمدى جولداۋداعى تۋىنداپ وتىرعان مىندەتتەردى جۇزەگە اسىرۋعا جۇمسايمىن.