Memleket basshysy Qasym-Jomart Toqaev óz «Ádiletti Qazaqstannyń ekonomikalyq baǵdary» atty Qazaqstan halqyna Joldaýynda Úkimetke memlekettik satyp alý júiesin jetildirýdi tapsyrǵan bolatyn. Prezident Joldaýda «Men memlekettik satyp alýdyń sapaly jańa júiesin engizýdi tapsyrdym. Satyp alý úderisi ońtailanyp, qysqartylady, «baǵa emes, sapa» qaǵidatyna basymdyq beriledi, iaǵni, dempingke tiimdi tosqaýyl qoiylady jáne úderister tolyq avtomattandyrylady. Memlekettik satyp alý júiesine alǵash ret «basynan baqaishaǵyna deiin» jasaý tásili engiziledi» dep naqty tapsyrma bergen edi. Prezident tapsyrmasy qalai iske asýda degen zańdy suraq týyndaidy.
Dalanews.kz aqparattyq agenttigi bul máselege zertteý júrgizip, Joldaýda atap kórsetilgen máselelerdi kóbi júzege asqanyna kóz jetkizdi. Bul rette QR Qarjy ministrligi Prezident tapsyrmany tiisti degeide júzege asyryp, arnaiy zań daiyndap, oǵan Memleket basshysynyń ózi qol qoidy.
Mamandar jańa zańnyń negizgi maqsaty – satyp alynatyn taýarlardyń, jumystar men kórsetiletin qyzmetterdiń sapasyn arttyrýdy kózdeitinin aitýda.
Jańa zańnamada naqty tómendegidei sharalar qamtylǵan.
Memlekettik satyp alýǵa qatysýǵa bailanysty shekteýler tizbesin keńeitý (josyqsyz ónim jetkizýshilerdi satyp alýǵa jol bermeý maqsatynda);
Jetkizýshige qoiylatyn jańa biliktilik talaptary (jumystardy oryndaý/qyzmet kórsetý orny boiynsha materialdyq/eńbek resýrstarynyń bolýy, qyzmetkerler aldynda jalaqy tóleýde bereshektiń bolmaýy jáne t. b.);
Sharttyń oryndalýyn qamtamasyz etý mólsherin ulǵaitý (sharttyq mindettemeler tiisinshe oryndalmaǵan jaǵdaida tapsyrys berýshi ustap qalady);
Qoǵamdyq monitoringti engizý;
Shaǵym berý tártibin qaita qaraý;
Satyp alý rásimderin ońtailandyrý jáne qysqartý;
Satyp alýda taýarlardyń firmalyq ataýlaryn 1000 AEK deiin kórsetý múmkindigi;
100 AEK-ke deiingi taýarlardy, jumystar men kórsetiletin qyzmetterdi 500 AEK-ke deiin, aýyl ákimdikteri úshin taýarlardy, jumystar men kórsetiletin qyzmetterdi 4000 AEK-ke deiin bir kózden satyp alý;
Satyp alý boiynsha biryńǵai platforma qurý.
Osy retet zań bastan aiaq jasaý tetikterin engizýge qatysty normalarmen tolyqtyrylǵanyn (EPC-kelisimsharttar) aita ketýimiz kerek.
Sondai-aq. sybailas jemqorlyq qaýpin azaitý jáne rásimderdi avtomattandyrý maqsatynda 2022 jyldan bastap reitingtik-baldyq júieni paidalanyp, konkýrs túrinde satyp alýdyń jańa tásili engizilmekshi.
Bul ádis konkýrstyq komissiianyń qatysýyn boldyrmaidy, sonymen qatar jeńimpazdy memlekettik organdardyń aqparattyq júieleriniń derekteri negizinde portal avtomatty túrde aiqyndaidy.
Jeńimpazdy avtomatty túrde anyqtaýdy eskere otyryp, mundai satyp alýlardyń qorytyndylary shaǵymdanýǵa jatpaidy.
2023 jylǵy 1 qyrkúiekten bastap qurylys-montajdaý jumystary men jobalaý tek qana reitingtik-baldyq júieni paidalanylatyn konkýrspen satyp alynady. Al 2024 jylǵy 1 aqpanynan bastap tehnikalyq qadaǵalaý qyzmetterin satyp alý da osy ádiske kóshpekshi.
Jalpy, barlyq satyp alýlardy reitingtik-baldyq júieni paidalanylatyn konkýrsqa barynsha kóshirý josparlanyp otyr.
Jańa zańǵa sáikes qoǵamdyq baqylaý sýbektileri veb-portal arqyly jáne ondaǵy aqparat negizinde «Qoǵamdyq baqylaý týraly» Qazaqstan Respýblikasynyń Zańyna sáikes memlekettik satyp alýǵa qoǵamdyq monitoring júrgize alady.
Al otandyq óndiristi qoldaý maqsatynda otandyq shaǵyn jáne orta kásipkerlik sýbektilerinen ǵana satyp alynatyn taýarlardyń, jumystar men kórsetiletin qyzmetterdiń tizbesi jáne ofteik-kelisimsharttardy qoldana otyryp, taýarlardy kepildi satyp alý tetigi engizildi.
