Túrkistan oblysyndaǵy №5 Otyrar arnaiy áleýmettik qyzmetter kórsetý ortalyǵy memlekettik satyp alý portalynda keńse taýarlaryn satyp alǵan. Portalda jariialanǵan qujattarǵa sáikes, satyp alý elektrondyq dúken tásilimen júrgizilgen. Alaida onyń ótken ýaqyty men qujattardaǵy keibir málimetterdiń berilýi birqatar kúmán týdyrdy. Osy tusta, Dalanews.kz redaktsiiasy birneshe satyp alýǵa sholý jasady.
Satyp alýdy kim uiymdastyrǵan
Portaldaǵy derekke sáikes, satyp alýdy Túrkistan oblysynyń jumyspen qamtýdy úilestirý jáne áleýmettik baǵdarlamalar basqarmasyna qarasty №5 Otyrar arnaiy áleýmettik qyzmetter kórsetý ortalyǵy uiymdastyrǵan.
Satyp alý memlekettik satyp alý portalyndaǵy elektrondyq dúken arqyly júzege asqan. Bul tásilde tapsyrys berýshi portaldaǵy katalogtan taýardy tańdap, jetkizýshilerdiń baǵa usynystaryn salystyrady. Eń tómen baǵa usynǵan jetkizýshi jeńimpaz bolyp anyqtalady.
Qandai taýarlar satyp alynǵan
Portaldaǵy qujattarǵa qaraǵanda, mekeme birneshe keńse quralyn alǵan. Atap aitqanda, plastilin, qaishy, eden jýǵysh jiyntyǵy.
Plastilin satyp alý
Alǵashqy hattamaǵa sáikes, mekeme plastilin satyp alǵan.
Bul pozitsiia boiynsha eki jetkizýshi baǵa usynǵan:
- 37 470 teńge
- 37 500 teńge
Eń tómen baǵa usynǵan jetkizýshi jeńimpaz dep tanylǵan.
Qaishy satyp alý
Satyp alý qujattarynda keńse qaishysy da kórsetilgen.
Bul taýar boiynsha usynylǵan baǵa: 41 940 teńge. Iaǵni keńse qaishysy osy somaǵa satyp alynǵan.
Eden jýǵysh jiyntyǵy
Úshinshi hattamaǵa sáikes, mekeme eden jýǵysh jiyntyǵyn satyp alǵan.
Bul satyp alý boiynsha usynylǵan baǵalar: VVS – 479 980 teńge, JK “Aisha” – 480 000 teńge.
Eń tómen baǵa usynǵan VVS kompaniiasy jeńimpaz dep tanylǵan.
Tapsyrys 2026 jylǵy 6 naýryzda 12:42-de rásimdelip, 14:01-de rastalǵan.
Nege kúmán týdyrady
Qujattardy taldaý barysynda birneshe jait nazar aýdartady.
Birinshiden, kei satyp alýlar óte qysqa ýaqyt ishinde rásimdelgen. Mysaly, plastilin satyp alý shamamen 20 minýtta aiaqtalǵan.
Ekinshiden, memlekettik satyp alý zańnamasyna sáikes, taýardyń naqty sany, tehnikalyq sipattamasy jáne basqa da parametrleri kelisimsharttyń tehnikalyq sipattamasynda tolyq kórsetilýi tiis. Bul talap biýdjet qarajatynyń qalai jumsalyp jatqanyn qoǵamǵa ashyq kórsetý úshin engizilgen.
