Bıyl Almaty oblysynda jergilikti mańyzdaǵy joldardyń sapasyn jaqsartý úshin 556 jobany júzege asyrýǵa 62,7 mlrd.teńge qarastyrylǵan, sonyń ishinde respýblıkalyq búdjetten – 12,9 mlrd teńge, jergilikti búdjetten – 49,8 mlrd teńge qarastyrylǵan. Onyń 15,3 mlrd teńgelik 40 jobasyn «Nurly jol» sheńberinde, 3,5 mlrd teńgelik 19 jobasyn «Aýyl – El besigi» boıynsha, 19,7 mlrd teńgelik 337 jobasyn «Jumyspen qamtý jol kartasy» boıynsha, 24,2 mlrd teńgelik 160 jobasyn jergilikti búdjet esebinen Óńirlerdi damytý baǵdarlamasy boıynsha júzege asyrý qarastyrylǵan, – dep  habarlaıdy Almaty oblysy ákiminiń baspasóz qyzmeti.

Almaty oblysy jolaýshy kóligi jáne avtomobıl joldary basqarmasynyń málimetinshe, 2020 jyly «Nurly Jol» memlekettik baǵdarlamasy sheńberinde jergilikti mańyzdaǵy avtokólik jolynyń 326,3 shaqyrymyn qaıta jańǵyrtý men qurylysyn júrgizý josparlanǵan.

Atap aıtqanda, 29 shaqyrymdy qaıta jańǵyrtýǵa 4 634,3 mln. teńge, sonyń ishinde Balqash kóline deıingi 19 shaqyrym avtojolǵa – 4 010,0 mln teńge, 4 shaqyrym avtojol men 12 kópirdi kúrdeli jóndeýge – 1 799,6 mln teńge, 293,3 shaqyrym joldy ortasha jóndeýden ótkizýge 8 881,1 mln teńge baǵyttalady.

Jalpy 2025 jylǵa deıin «Nurly Jol» baǵdarlamasy aıasynda 188,7 shaqyrym jolǵa qurylys pen qaıta jańǵyrtý jumystaryn júrgizý, 120,2 shaqyrym jol men 16 kópirdi kúrdeli jóndeý, oblystyq mańyzdaǵy 1 480 shaqyrym avtokólik jolyna ortasha jóndeý jalpy somasy shamamen 148 511,9 mln teńgege júrgiziledi dep josparlanǵan.

Solardyń qatarynda aıtýly iri jobalar da bar. Máselen, bul qatarda jalpy somasy shamamen 51,0 mlrd teńge bolatyn uzyndyǵy 36,4 shaqyrymdyq «BAKAD-tyń alty radıaldy joldarynyń qurylysy» jobasyn, Balqash kóline deıingi uzyndyǵy 75 shaqyrym avtojoldy 18,0 mlrd teńgege qaıta jańǵyrtýdy aıaqtaý jumystaryn ataýǵa bolady.

Qabyldanǵan sharalar men josparlanǵan jobalardy júzege asyrý nátıjesinde «Nurly Jol» baǵdarlamasymen 2025 jylǵa deıin óńirdegi jaqsy jáne qanaǵattanarlyq jaǵdaıdaǵy oblystyq mańyzdaǵy joldardyń úlesin 99 %-ke jetkizý kózdelip otyr.