Almaty oblysy jolaýshy kóligi jáne avtomobil joldary basqarmasynyń málimetinshe, 2020 jyly «Nurly Jol» memlekettik baǵdarlamasy sheńberinde jergilikti mańyzdaǵy avtokólik jolynyń 326,3 shaqyrymyn qaita jańǵyrtý men qurylysyn júrgizý josparlanǵan.
Atap aitqanda, 29 shaqyrymdy qaita jańǵyrtýǵa 4 634,3 mln. teńge, sonyń ishinde Balqash kóline deiingi 19 shaqyrym avtojolǵa – 4 010,0 mln teńge, 4 shaqyrym avtojol men 12 kópirdi kúrdeli jóndeýge – 1 799,6 mln teńge, 293,3 shaqyrym joldy ortasha jóndeýden ótkizýge 8 881,1 mln teńge baǵyttalady.
Jalpy 2025 jylǵa deiin «Nurly Jol» baǵdarlamasy aiasynda 188,7 shaqyrym jolǵa qurylys pen qaita jańǵyrtý jumystaryn júrgizý, 120,2 shaqyrym jol men 16 kópirdi kúrdeli jóndeý, oblystyq mańyzdaǵy 1 480 shaqyrym avtokólik jolyna ortasha jóndeý jalpy somasy shamamen 148 511,9 mln teńgege júrgiziledi dep josparlanǵan.
Solardyń qatarynda aitýly iri jobalar da bar. Máselen, bul qatarda jalpy somasy shamamen 51,0 mlrd teńge bolatyn uzyndyǵy 36,4 shaqyrymdyq «BAKAD-tyń alty radialdy joldarynyń qurylysy» jobasyn, Balqash kóline deiingi uzyndyǵy 75 shaqyrym avtojoldy 18,0 mlrd teńgege qaita jańǵyrtýdy aiaqtaý jumystaryn ataýǵa bolady.
Qabyldanǵan sharalar men josparlanǵan jobalardy júzege asyrý nátijesinde «Nurly Jol» baǵdarlamasymen 2025 jylǵa deiin óńirdegi jaqsy jáne qanaǵattanarlyq jaǵdaidaǵy oblystyq mańyzdaǵy joldardyń úlesin 99 %-ke jetkizý kózdelip otyr.
