بيىل الماتى وبلىسىندا جەرگىلىكتى ماڭىزداعى جولداردىڭ ساپاسىن جاقسارتۋ ءۇشىن 556 جوبانى جۇزەگە اسىرۋعا 62،7 ملرد.تەڭگە قاراستىرىلعان، سونىڭ ىشىندە رەسپۋبليكالىق بيۋدجەتتەن – 12،9 ملرد تەڭگە، جەرگىلىكتى بيۋدجەتتەن – 49،8 ملرد تەڭگە قاراستىرىلعان. ونىڭ 15،3 ملرد تەڭگەلىك 40 جوباسىن «نۇرلى جول» شەڭبەرىندە، 3،5 ملرد تەڭگەلىك 19 جوباسىن «اۋىل – ەل بەسىگى» بويىنشا، 19،7 ملرد تەڭگەلىك 337 جوباسىن «جۇمىسپەن قامتۋ جول كارتاسى» بويىنشا، 24،2 ملرد تەڭگەلىك 160 جوباسىن جەرگىلىكتى بيۋدجەت ەسەبىنەن وڭىرلەردى دامىتۋ باعدارلاماسى بويىنشا جۇزەگە اسىرۋ قاراستىرىلعان، – دەپ  حابارلايدى الماتى وبلىسى اكىمىنىڭ باسپا ءسوز قىزمەتى.

الماتى وبلىسى جولاۋشى كولىگى جانە اۆتوموبيل جولدارى باسقارماسىنىڭ مالىمەتىنشە، 2020 جىلى «نۇرلى جول» مەملەكەتتىك باعدارلاماسى شەڭبەرىندە جەرگىلىكتى ماڭىزداعى اۆتوكولىك جولىنىڭ 326،3 شاقىرىمىن قايتا جاڭعىرتۋ مەن قۇرىلىسىن جۇرگىزۋ جوسپارلانعان.

اتاپ ايتقاندا، 29 شاقىرىمدى قايتا جاڭعىرتۋعا 4 634،3 ملن. تەڭگە، سونىڭ ىشىندە بالقاش كولىنە دەيىنگى 19 شاقىرىم اۆتوجولعا – 4 010،0 ملن تەڭگە، 4 شاقىرىم اۆتوجول مەن 12 كوپىردى كۇردەلى جوندەۋگە – 1 799،6 ملن تەڭگە، 293،3 شاقىرىم جولدى ورتاشا جوندەۋدەن وتكىزۋگە 8 881،1 ملن تەڭگە باعىتتالادى.

جالپى 2025 جىلعا دەيىن «نۇرلى جول» باعدارلاماسى اياسىندا 188،7 شاقىرىم جولعا قۇرىلىس پەن قايتا جاڭعىرتۋ جۇمىستارىن جۇرگىزۋ، 120،2 شاقىرىم جول مەن 16 كوپىردى كۇردەلى جوندەۋ، وبلىستىق ماڭىزداعى 1 480 شاقىرىم اۆتوكولىك جولىنا ورتاشا جوندەۋ جالپى سوماسى شامامەن 148 511،9 ملن تەڭگەگە جۇرگىزىلەدى دەپ جوسپارلانعان.

سولاردىڭ قاتارىندا ايتۋلى ءىرى جوبالار دا بار. ماسەلەن، بۇل قاتاردا جالپى سوماسى شامامەن 51،0 ملرد تەڭگە بولاتىن ۇزىندىعى 36،4 شاقىرىمدىق «باكاد-تىڭ التى راديالدى جولدارىنىڭ قۇرىلىسى» جوباسىن، بالقاش كولىنە دەيىنگى ۇزىندىعى 75 شاقىرىم اۆتوجولدى 18،0 ملرد تەڭگەگە قايتا جاڭعىرتۋدى اياقتاۋ جۇمىستارىن اتاۋعا بولادى.

قابىلدانعان شارالار مەن جوسپارلانعان جوبالاردى جۇزەگە اسىرۋ ناتيجەسىندە «نۇرلى جول» باعدارلاماسىمەن 2025 جىلعا دەيىن وڭىردەگى جاقسى جانە قاناعاتتانارلىق جاعدايداعى وبلىستىق ماڭىزداعى جولداردىڭ ۇلەسىن 99 %-كە جەتكىزۋ كوزدەلىپ وتىر.