Joldaǵy kemshilikter tez arada joiylady
Eń shielenisti ýchaske – ortalyq saiabaqtyń kireberisi. Trotýar áli salynbaǵandyqtan jaiaý júrginshiler avtokólik jolyna shyǵyp júrýge májbúr. Bul rette merdigerler jóndeý jumystary júrip jatqanynan habardar etetin arnaiy qorshaý da, eskertý belgilerin de qoimaǵan.
Aidarbek Baijanov birinshi kezekte barlyq qajetti belgilerdi ornatýdy, trotýarlardy jóndeýdi, munan soń basqa da kemshilikterdi tez arada joiýdy tapsyrdy. Jasalǵan jumystardyń sapasyn oblys ákiminiń orynbasary 10 kúnnen keiin ózi kelip kóretinin eskertti.
Kelesi núkte Abai kóshesindegi «Alen» balaqshasy turǵan tus boldy. Bul jerde joldyń shuńqyrlaryn biteý jumystary júrip jatyr, biraq bul is te uzaqqa sozylyp ketken. Turǵyndarmen tildesken Aidarbek Baijanov jóndeý jumystary da, onymen birge qolaisyzdyq týdyryp otyrǵan jaǵdai da taiaý arada aiaqtalatynyna sendirdi. Merdigerlerge tiisti tapsyrmalar bergen oblys ákiminiń orynbasary bul jumystardy óziniń jiti nazaryna alatynyn aitty. Sonymen qatar kommýnaldyq sharýashylyq mamandaryna kógaldandyrý, qýraǵan aǵashtardy kesý jumysyn jandandyrýdy tapsyrdy.
