Shymkent politseileri 40 jastaǵy qala turǵynynyń ólimine qatysty kúdiktilerdi izdep jatyr, dep habarlaidy Dalanews.kz.
20 qańtarda Erimbetov pen Rysqulov kósheleri qiylysynda kólikterdiń júrgizýshileri men jolaýshylary arasynda janjal shyǵyp, saldarynan oqiǵaǵa qatysýshylar pyshaq jaraqatyn alǵan. Jábirlenýshilerdiń biri kóz jumdy.
"Adam óltirý jaity boiynsha qylmystyq is qozǵaldy. Shymkent qalasy Politsiia departamenti kúdiktilerdiń júrgen jerin anyqtaý jáne ustaý boiynsha qajet sharalar qabyldap jatyr. Kúdiktilerdi anyqtaý jáne ustaýǵa baǵyttalǵan jedel izdestirý is-sharalaryna Politsiia departamentiniń barlyq kúshi men quraly jumyldyryldy", - dedi óńir politsiiasy.
Eske salaiyq, buǵan deiin Shymkentte kóshedegi jappai tóbeles adam ólimimen aiaqtalǵany habarlandy.
