Qazaqstanda avtomobil joldarynyń barlyq kezeńin qamtyǵan sybailas jemqorlyq táýekelderine syrtqy keshendi taldaý júrgizildi, dep habarlaidy Dala News.
Saraptama nátijesinde joldardy josparlaý, salý jáne tehnikalyq qadaǵalaý júiesindegi júieli kemshilikterdi joiýǵa baǵyttalǵan 80-nen astam usynys ázirlendi.
Tekserý barysynda óńirlerde jobalardyń smetalyq quny 11 mlrd teńgege negizsiz ósirilgeni anyqtalǵan.
Sonymen qatar, 362 eskirgen jobalyq-smetalyq qujattama (JSQ) anyqtalyp, olardy ázirleýge 23 mlrd teńge tiimsiz jumsalǵan. Budan bólek, 27 mlrd teńgeniń 324 nysany mindetti memlekettik saraptamadan ótpegeni belgili boldy.
Sondai-aq 70 kompaniianyń jumys tájiribesi týraly jalǵan málimetter usyný arqyly shamamen 408 mlrd teńgeniń kelisimsharttaryn alǵany tirkelgen.
Atalǵan usynystardy oryndaý aiasynda «Sybailas jemqorlyqqa qarsy is-qimyl týraly» zańǵa ózgerister engizildi. Endi avtomobil joldary nysandarynda tehnikalyq jáne avtorlyq qadaǵalaý júrgizetin tulǵalar memlekettik fýnktsiialardy oryndaityn adamdarǵa teńestirildi.
Sonymen qatar Ulttyq jol aktivteri sapasy ortalyǵynyń eskertýleri joiylmaiynsha, joldardy paidalanýǵa berýge tikelei tyiym salyndy.
Jol salasyn tsifrlandyrý maqsatynda jol-qurylys materialdarynyń biryńǵai aqparattyq bazasy engizildi. Bul júie karerden bastap zerthanalyq synaq nátijelerine deiingi málimetterdi ashyq kórsetip, ónim sapasy týraly aqparatty burmalaý táýekelin azaitady.
Júrgizilgen reformalar 2026 jyly jol salasyna bólinetin 360 mlrd teńgeden astam biýdjet qarajatynyń ashyq ári tiimdi igerilýin qamtamasyz etýge baǵyttalǵan.
