Atalǵan sharaǵa elimizdiń 46 joǵary oqý orynyń úzdik oqytýshylary qatysty. Is-sharany ashqan QR Bilim jáne ǵylym ministri Ashat Aimaǵambetov ministrlik tarapynan qolǵa alynyp otyrǵan «Joǵary oqý ornynyń úzdik oqytýshysy – 2020» marapattaý sharasy elimizdiń pedagogtaryn yntalandyrý, bolashaq urpaq úshin aianbai etken eńbekterine qoldaý kórsetý maqsatynda jyl saiyn uiymdastyrylatynyn atap ótti.
– Joǵary oqý oryndary pedagogtarynyń jumysyn ońtailandyrý, olardyń mártebesin kóterý bizdiń basty mindetimiz. Osy maqsatta biz qazirgi tańda pedagogtar júktemesin azaitý, olardyń eńbekaqylaryn kóterý maqsatynda joǵary oqý oryndary basshylarymen birlese jumystar jasap jatyrmyz, dedi ministr A.Aimaǵambetov.
[caption id="attachment_61061" align="aligncenter" width="540"]
Sonymen qatar ministr qazirgi pandemiialyq ahýalǵa bailanysty marapat ielerin quttyqtaý ár ýniversitet basshylary ótkizetinin habarlai kele, sóz sońynda barlyq ustazdar qaýymyn kele jatqan áz-Naýryz merekesimen quttyqtap, olarǵa shyǵarmashylyq tabys pen otbasylaryna amandyq tiledi.
«Ulym deitin el bolmasa, elim deitin ul qaidan týsyn» dep dana halqymyz aitqandai, elimizdiń pedagogtaryna memleket tarapynan osyndai qoldaýlar jii bolyp otyrsa, onda ustaz da abyroily, bilim de sapaly bolary sózsiz.
Osydan keiin Abai atyndaǵy QazUPÝ-diń rektory Takir Balyqbaev «Joǵary oqý ornynyń úzdik oqytýshysy – 2020» respýblikalyq konkýrsynyń iegerleri pedagogika ǵylymdarynyń doktory, professor Ý.Abdigapbarova men pedagogika ǵylymdarynyń kandidaty, qaýymdastyrylǵan professor L.Kakimovaǵa «Úzdik oqytýshy» kýáligin tabystady.
