اتالعان شاراعا ەلىمىزدىڭ 46 جوعارى وقۋ ورىنىڭ ۇزدىك وقىتۋشىلارى قاتىستى. ءىس-شارانى اشقان ق ر ءبىلىم جانە عىلىم ءمينيسترى اسحات ايماعامبەتوۆ مينيسترلىك تاراپىنان قولعا الىنىپ وتىرعان «جوعارى وقۋ ورنىنىڭ ۇزدىك وقىتۋشىسى – 2020» ماراپاتتاۋ شاراسى ەلىمىزدىڭ پەداگوگتارىن ىنتالاندىرۋ، بولاشاق ۇرپاق ءۇشىن ايانباي ەتكەن ەڭبەكتەرىنە قولداۋ كورسەتۋ ماقساتىندا جىل سايىن ۇيىمداستىرىلاتىنىن اتاپ ءوتتى.
– جوعارى وقۋ ورىندارى پەداگوگتارىنىڭ جۇمىسىن وڭتايلاندىرۋ، ولاردىڭ مارتەبەسىن كوتەرۋ ءبىزدىڭ باستى مىندەتىمىز. وسى ماقساتتا ءبىز قازىرگى تاڭدا پەداگوگتار جۇكتەمەسىن ازايتۋ، ولاردىڭ ەڭبەكاقىلارىن كوتەرۋ ماقساتىندا جوعارى وقۋ ورىندارى باسشىلارىمەن بىرلەسە جۇمىستار جاساپ جاتىرمىز، دەدى مينيستر ا.ايماعامبەتوۆ.
[caption id="attachment_61061" align="aligncenter" width="540"]
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟[/caption]
سونىمەن قاتار مينيستر قازىرگى پاندەميالىق احۋالعا بايلانىستى ماراپات يەلەرىن قۇتتىقتاۋ ءار ۋنيۆەرسيتەت باسشىلارى وتكىزەتىنىن حابارلاي كەلە، ءسوز سوڭىندا بارلىق ۇستازدار قاۋىمىن كەلە جاتقان ءاز-ناۋرىز مەرەكەسىمەن قۇتتىقتاپ، ولارعا شىعارماشىلىق تابىس پەن وتباسىلارىنا اماندىق تىلەدى.
«ۇلىم دەيتىن ەل بولماسا، ەلىم دەيتىن ۇل قايدان تۋسىن» دەپ دانا حالقىمىز ايتقانداي، ەلىمىزدىڭ پەداگوگتارىنا مەملەكەت تاراپىنان وسىنداي قولداۋلار ءجيى بولىپ وتىرسا، وندا ۇستاز دا ابىرويلى، ءبىلىم دە ساپالى بولارى ءسوزسىز.
وسىدان كەيىن اباي اتىنداعى ءقازۇپۋ-دىڭ رەكتورى تاكير بالىقبايەۆ «جوعارى وقۋ ورنىنىڭ ۇزدىك وقىتۋشىسى – 2020» رەسپۋبليكالىق كونكۋرسىنىڭ يەگەرلەرى پەداگوگيكا عىلىمدارىنىڭ دوكتورى، پروفەسسور ۋ.ابديگاپباروۆا مەن پەداگوگيكا عىلىمدارىنىڭ كانديداتى، قاۋىمداستىرىلعان پروفەسسور ل.كاكيموۆاعا «ۇزدىك وقىتۋشى» كۋالىگىن تابىستادى.
