Joǵary aýditorlyq palata 2026 jyly Jábirlenýshilerge ótemaqy qory men Arnaiy memlekettik qordyń qyzmetine aýdit júrgizýdi josparlap otyr. Bul týraly palata tóraǵasy Álihan Smaiylov málimdedi, dep habarlaidy Dalanews.kz.
Onyń aitýynsha, biylǵy aýditorlyq is-sharalar aiasynda Biryńǵai jinaqtaýshy zeinetaqy qory men Áleýmettik meditsinalyq saqtandyrý qory tekserilgen.
Smaiylovtyń sózinshe, biýdjetten tys qorlardyń qyzmetin baǵalaýda ortaq ádistemeniń joqtyǵy olardyń tiimdiligin naqty anyqtaýǵa kedergi keltirip otyr. Osyǵan bailanysty Joǵary aýditorlyq palata Aziia damý bankiniń qoldaýymen halyqaralyq tájiribeni zerdeleýge kirisken.
«Zertteý nátijesinde biýdjetten tys resýrstardy paidalaný tiimdiligin arttyrýǵa baǵyttalǵan naqty usynystar ázirlenedi», – dedi ol.
