Arman Juman - Qańtar oqıǵasy kezinde qaza tapqan 4 jasar Aıkórkemniń isine qatysty jalǵyz kúdikti áskerı. Buǵan deıin Astanadaǵy áskerı sottyń apelásıalyq alqasy Arman Jumandy aqtaý úkiminiń kúshin joıǵan edi. Endi Joǵarǵy sot Qańtar oqıǵasy kezinde mert bolǵan Aıkórkemniń isi boıynsha 7 jylǵa sottalǵan áskerı qyzmetker Arman Jumannyń isi boıynsha sheshim shyǵardy. Osylaısha Jumandy 7 jylǵa sottaǵan Áskerı sottyń úkiminiń kúshi joıyldy, - dep habarlaıdy Dalanews.kz.
"Jumanǵa qatysty qylmystyq is qupıa túrde qaraldy. Kasasıalyq qadaǵalaýdyń qorytyndysy boıynsha tómengi turǵan organdardyń sot aktileriniń kúshi joıyldy, is apelásıalyq satydaǵy sotqa jańadan qaraýǵa jiberildi", - dep málimdedi Joǵarǵy sot.
Buǵan deıin Astana qalasynyń soty Qańtar oqıǵasy kezinde qaza tapqan 4 jasar Aıkórkemniń isi boıynsha birinshi satydaǵy úkimge apelásıalyq shaǵymdy qarady.
Sot birinshi satydaǵy úkimniń kúshin joıý jáne sottalýshy áskerı qyzmetshi Arman Jumanǵa 7 jylǵa bas bostandyǵynan aıyrý jazasyn taǵaıyndaý týraly qaýly shyǵardy. Arman Juman sot zalynda qamaýǵa alynǵan bolatyn.
Aıta keteıik, Aıkórkem Meldehan 2022 jyly 6 qańtarda qaza tapty. Aıkórkem, onyń aǵasy men ápkesi otyrǵan kólikke oq atylǵan. Oq Aıkórkemniń basyna tıgen, al aǵasy men ápkesi jaraqattar alǵan.
