ارمان جۇمان - قاڭتار وقيعاسى كەزىندە قازا تاپقان 4 جاسار ايكوركەمنىڭ ىسىنە قاتىستى جالعىز كۇدىكتى اسكەري. بۇعان دەيىن استاناداعى اسكەري سوتتىڭ اپەللياسيالىق القاسى ارمان جۇماندى اقتاۋ ۇكىمىنىڭ كۇشىن جويعان ەدى. ەندى جوعارعى سوت قاڭتار وقيعاسى كەزىندە مەرت بولعان ايكوركەمنىڭ ءىسى بويىنشا 7 جىلعا سوتتالعان اسكەري قىزمەتكەر ارمان جۇماننىڭ ءىسى بويىنشا شەشىم شىعاردى. وسىلايشا جۇماندى 7 جىلعا سوتتاعان اسكەري سوتتىڭ ۇكىمىنىڭ كۇشى جويىلدى، - دەپ حابارلايدى Dalanews.kz.
"جۇمانعا قاتىستى قىلمىستىق ءىس قۇپيا تۇردە قارالدى. كاسساسيالىق قاداعالاۋدىڭ قورىتىندىسى بويىنشا تومەنگى تۇرعان ورگانداردىڭ سوت اكتىلەرىنىڭ كۇشى جويىلدى، ءىس اپەللياسيالىق ساتىداعى سوتقا جاڭادان قاراۋعا جىبەرىلدى"، - دەپ مالىمدەدى جوعارعى سوت.
بۇعان دەيىن استانا قالاسىنىڭ سوتى قاڭتار وقيعاسى كەزىندە قازا تاپقان 4 جاسار ايكوركەمنىڭ ءىسى بويىنشا ءبىرىنشى ساتىداعى ۇكىمگە اپەللياسيالىق شاعىمدى قارادى.
سوت ءبىرىنشى ساتىداعى ۇكىمنىڭ كۇشىن جويۋ جانە سوتتالۋشى اسكەري قىزمەتشى ارمان جۇمانعا 7 جىلعا باس بوستاندىعىنان ايىرۋ جازاسىن تاعايىنداۋ تۋرالى قاۋلى شىعاردى. ارمان جۇمان سوت زالىندا قاماۋعا الىنعان بولاتىن.
ايتا كەتەيىك، ايكوركەم مەلدەحان 2022 جىلى 6 قاڭتاردا قازا تاپتى. ايكوركەم، ونىڭ اعاسى مەن اپكەسى وتىرعان كولىككە وق اتىلعان. وق ايكوركەمنىڭ باسىنا تيگەن، ال اعاسى مەن اپكەسى جاراقاتتار العان.
