Atyraý oblysynda joǵalyp ketken otbasy týraly tyń derek shyqty, dep habarlaidy Dalanews.kz.
Jýrnalist Gúlmira Ábiqai áleýmettik jelidegi paraqshasynda egjei-tegjeiin jariialady.
"Atyraý oblysynda ushty-kúili joǵalǵan otbasy jaily kún saiyn túrli derek kelip jatyr. Ózge emes, óz týystarynyń sózine sensek, iz-tússiz ǵaiyp bolǵandar tórteý emes, alty adam. Maqsot aǵamyzdyń 2 qyz, 1 uly bar. Aldymen, Aqtaýdan jumys taptym dep jalǵyz uly Naýyz habarsyz ketedi. "Jaz basynda joǵalǵan Naýryzdyń vatsaby keshege deiin iske qosylyp túrǵan" deidi Maqsottyń qaryndasy Ásilá. Politsiia "vatsap telefonnan emes, kompiýterden qosylyp turǵandyqtan abonenttiń meken-jaiyn tabý qiyndyq týdyrǵanyn" aitqan. Qarashanyń basynda "dárigerge qaralyp kelemiz" dep sybys taratqan otbasy sol kúii úige qaita oralmaǵan. Úileri jinaqy, bári ornynda. Maly qorada, tońazytqyshtaǵy sút-mailary saqtaýly tur", - dep jazdy jýrnalist.
Sonymen qatar, joǵalǵan alty adamnyń ekeýi kim ekeni de belgili boldy.
"Maqsot aǵamyzdyń 2 qyzynyń úlkeni Miramgúl ózderimen birge ushty-kúili joq, ekinshi qyzy turmysta basqa aýylda turady. "Aqbaian da kúieýi Sultanmen birge 5 qarasha jolǵa shyǵyp, sol kúii úiine oralmaǵan. Ekeýiniń 5 balasyn kúnde esikke eleńdep enesi qarap otyr" deidi Ásilá. Joǵalǵan otbasynyń eki múshesi - zeinetker, ekeýi múgedektigi boiynsha járdemaqy alady. Eń qyzyǵy, qarasha-jeltoqsan ailaryndaǵy pensiialaryn tórteýi túgel sheship alypty. Aýladaǵy azyn-aýlaq maldary da Naýryzdyń vatsaby arqyly saýdalanǵan", - dep jazdy ol.
Eske salaiyq, buǵan deiin Atyraý oblysynda bir otbasy izdestirilip jatqany habarlandy.
