Mańǵystaý oblysynyń ákimdigi men Yessenov University uiymdastyrǵan sharaǵa óńir basshysy Nurlan Noǵaev, ustazdar, professorlar, mádeniet jáne óner salasynyń ókilderi, stýdentter qatysty.
Jiynda tarih ǵylymdarynyń doktory, professor, «Ardagerler uiymy» respýblikalyq qoǵamdyq birlestigi tóraǵasynyń birinshi orynbasary Ómirzaq Ozǵanbaev Qashaǵan aqyn Kúrjimanulynyń shyǵarmashylyǵyna toqtaldy.
Sonymen qatar Qashaǵan Kúrjimanulynyń atalas urpaǵy, Mańǵystaý oblysy men Qaraqiia aýdanynyń qurmetti azamaty, «Qurmetti QR jer qoinaýyn barlaýshy» Tursynǵali Kóshenov aqyn týraly esteliktermen bólisti.
Qashaǵan Kúrjimanuly óz zamanynda eldik pen erlikti, halyqtyń dastandaryn, kóne tarihyn dáriptegen jyraý, halyq aqyny.
Jańa jinaq Almatydaǵy «Qazaq kitaby» baspasynan 2000 danamen basylyp shyqqan. Kitaptty Esenov ýniversitetiniń aǵa oqytýshysy, qazaq tili men ádebieti magistri, PhD doktorant, Qazaqstan Jýrnalister odaǵynyń múshesi Baqtybai Jailaýov qurastyrǵan.
Saltanatty sharada siiasy keýip úlgermegen kitaptyń alǵashqy danalary qurmetti qonaqtarǵa taratyldy.
– 180 jyl boiy halyqtyń úni bolǵan aqynnyń óleńderi – óz zamanynda da, qazir de zor mańyzǵa ie. Aqyn shyǵarmalarynyń mán-maǵynasy kúni búginge deiin ózekti, sonymen qatar kóptegen jyrshylar men ánshilerdiń shyǵarmalaryna arqaý bolyp otyr. Bul– urpaqtar sabaqtastyǵy. Ár kez qazaq halqynyń uly aqyndarynyń shyǵarmashylyq keshterin uiymdastyrý – olardyń esimin ulyqtaýǵa, jastardyń tarihqa degen súiispenshiligin arttyrýǵa múmkindik beredi, – dedi Nurlan Noǵaev.
Shara sońynda qalamgerler Sabyr Adai men Svetqali Nurjan jáne ardager Ómirzaq Ozǵanbaevqa «Yessenov University Qurmetti Professory» akademiialyq ataǵy saltanatty túrde tabystaldy.
