"Pavlodar qalasynyń turǵyny Beisenbaitegi Rýza Zaikenqyzy, 1958 jyly týǵan, 2024 jyldyń 24 qańtarynda Pavlodar qalasynda Bekhojina 12/5 meken-jaiynda júrgende ózin agressivti ustap, ótip bara jatqan adamdardyń memlekettik tilde sóileýin talap etken.
Ol «102» arnasyna habarlasyp, kómek suraǵan azamat Júnisovke zorlyq kórsetken. Bul rette oqiǵa ornyna aryzdanýshy Júnisovtiń ózi jedel járdem brigadasyn shaqyrǵan.
Aryz túsken soń oqiǵa ornyna politsiia qyzmetkerleri jetken.
Ol jerge meditsinalyq brigada da baryp, mamandary azamat R.Beisenbaiteginiń minez-qulqynan orynsyz áreketter men agressiia belgilerimen anyqtady, tekserý úshin «Sandyraqtaý, buzylys sindromy» aldyn ala diagnozymen Pavlodar oblystyq psihonevrologiialyq dispanserine jatqyzdy", - delingen azbada.
Sonymen qatar IIM 25 qańtar kúni R.Beisenbaitegine naqty diagnozdy jáne psihikalyq buzylystyń bar-joǵyn anyqtaý maqsatynda dárigerlerdiń keńesin ótkizý josparlanyp jatqanyn málimdegen.
Ondaǵy derekke qaraǵanda, politsiianyń meditsina qyzmetkerleriniń is-áreketine aralasýy, sondai-aq Beisenbaitegin meditsinalyq mekemege qasaqana jáne zańsyz ornalastyrý faktileri joq. Patrýldik politsiia qyzmetkerleri óz tarapynan quqyq tártibin jáne R.Beisenbaiteginiń qaýipsizdigin qamtamasyz etý boiynsha sharalar qabyldanypty.
"Rýza qurdasymnyń jyndyhanaǵa jatqyzylý jaǵdaiaty jaiynda jaýap osyndai. Árine, áli de biraz jaǵdaiat kúńgirt, biraq qalai desek te, ázirge osy jaýapty mise tuta turýǵa týra keledi.
Munda jaǵymsyz jaǵdaiattyń jai-japsary (resmi turǵyda) tolyq qamtylmaǵan. Jaýapta jazylǵandai, dárigerler konsiliým mán-jaidy 25-qańtarda anyqtaidy. Osyǵan bailanysty, men IIM men Densaýlyq saqtaý ministrligine qosymsha saýaldar joldadym.
Aitpaqshy, men ishki ister ministri Erjan Sádenov myrzaǵa: "Negizi, qoǵamdaǵy jaǵdaidy ýshyqtyrmai, jedel sheshken durys. Qaǵajý kórgen qazaq tiliniń birbetkei patriotyn kóshede kúshtep ustap, áldekimniń aryzymen (kórsetýimen) jyndyhanaǵa qamaý - qoǵam qabyldaityn áreket emes. Rýza Beisenbaitegin meniń depýtattyq garantiiammen aýrýhanadan shyǵaryp, týysqandarynyń qamqorlyǵyna tapsyrýǵa járdem jasaýǵa daiynmyn" - dedim.
Jaýap kúteiik. Shamasy, bul bir ǵana ministrdiń quziretimen sheshiletin sharýa bolmasa kerek...", - túsindiredi Ermurat Bapi.
Foto: Dalanews.kz
