Saran ákimi Erkin Baýlyqov jylý berý maýsymynyń bastalýynda jibergen olqylyqtary úshin qyzmetinen bosatyldy, - dep habarlaidy Dalanews.kz.
"Qaraǵandy oblysy ákiminiń ókimimen Saran qalasynyń ákimi Erkin Baýlyqov qalada jylý berý maýsymynyń bastalýynda olqylyq jibergeni úshin atqaratyn qyzmetinen bosatyldy", - dep habarlady Qaraǵandy oblysynyń ákimdigi.
Ol bul qyzmetti bir jyldan asa ǵana ýaqyt atqardy.
Qazan aiynyń ortasynda qurylysy 10 jylǵa sozylyp, biyl salynyp bitken jańa ortalyq qazandyqtaǵy aqaýlarǵa bailanysty Sarandaǵy 168 úi jylýsyz qalǵan edi.
Qala basshysy mindetin ýaqytsha osyǵan deiin Saran ákiminiń orynbasary bolǵan Maqsat Qaireshov atqaratyn boldy.
