ساران اكىمى ەركىن باۋلىقوۆ جىلۋ بەرۋ ماۋسىمىنىڭ باستالۋىندا جىبەرگەن ولقىلىقتارى ءۇشىن قىزمەتىنەن بوساتىلدى، - دەپ حابارلايدى Dalanews.kz.
"قاراعاندى وبلىسى اكىمىنىڭ وكىمىمەن ساران قالاسىنىڭ اكىمى ەركىن باۋلىقوۆ قالادا جىلۋ بەرۋ ماۋسىمىنىڭ باستالۋىندا ولقىلىق جىبەرگەنى ءۇشىن اتقاراتىن قىزمەتىنەن بوساتىلدى"، - دەپ حابارلادى قاراعاندى وبلىسىنىڭ اكىمدىگى.
ول بۇل قىزمەتتى ءبىر جىلدان اسا عانا ۋاقىت اتقاردى.
قازان ايىنىڭ ورتاسىندا قۇرىلىسى 10 جىلعا سوزىلىپ، بيىل سالىنىپ بىتكەن جاڭا ورتالىق قازاندىقتاعى اقاۋلارعا بايلانىستى سارانداعى 168 ءۇي جىلۋسىز قالعان ەدى.
قالا باسشىسى مىندەتىن ۋاقىتشا وسىعان دەيىن ساران اكىمىنىڭ ورىنباسارى بولعان ماقسات قايرەشوۆ اتقاراتىن بولدى.
